Hádegisfréttir

Hádegisfréttir 29. nóvember 2024

Hátt í 40 þúsund hafa þegar kosið utan kjörfundar. Kjósendur í Norðausturkjördæmi tóku við sér í morgun og kusu, til að atkvæði þeirra komist tímanlega til skila. Spáð er vonskuveðri um helgina með éljum og skafrenningi, og ófærð á vegum. Starfsfólk Landskjörstjórnar átti fund með veðurfræðingum, kjörstjórnum og Vegagerðinni í morgun.

Viðgerð á háspennulínunni frá Svartsengisvirkjun er að ljúka og rafmagni veður hleypt á hana eftir hádegi. Þar með kemst raforkuframleiðsla í Svartsengi á fullt.

Heilbrigðisyfirvöld greiddu Origo tæplega þrjá milljarða á árunum 2020 til 2023 fyrir hugbúnað. Stjórnarmaður í Læknafélaginu segir tölvukerfið umdeilt enda bili það oft.

Uppreisnarmenn hafa lagt undir sig 50 þorp í norðurhluta Sýrlands undanfarna daga. Yfir 240 hafa verið drepnir í átökunum, sem er mesta mannfall í tæp fimm ár.

Dæmi eru um að fólk hafi tapað háum fjárhæðum í viðskiptum á netinu, segir formaður Neytendasamtakanna. Á tilboðsdögum, sem nú standa yfir, er mikilvægt að kanna hvort sölusíður séu ekta.

Evrópumót kvenna í handbolta hófst í gær. Fyrsti leikur Íslands er í kvöld þegar Ísland mætir Hollandi.

Frumflutt

29. nóv. 2024

Aðgengilegt til

Rennur ekki út

• 00:01:26 Kosning utan kjörfundar
• 00:03:09 Óveður á kjördag
• 00:04:50 Hvað gerist ef það verður óveður á kjördag?
• 00:06:58 Björgunarsveitaboðhlaup með kjörgögn
• 00:08:43 Rafmagn á Suðurnesjalínu í hádeginu
• 00:09:56 Tæpir þrír milljarðar í umdeilt sjúkraskrárkerfi
• 00:12:28 Uppreisnarmenn í Sýrlandi leggja undir sig þorp
• 00:14:50 Kjaraviðræður kennara
• 00:15:16 Heit vinna starfsleyfisskyld
• 00:17:01 Svikasíður á netinu - Neytendasamtökin
• 00:18:49 Íþróttir
• 00:21:04 Veður
• 00:21:38 Seinni helst

Útvarpsfréttir.