Hádegisfréttir

Hádegisfréttir 12. nóvember 2024

Vegurinn um Ísafjarðardjúp er lokaður vegna aurskriðu. Síðan í gærkvöld hafa aurskriður fallið víða á Vestfjörðum. Nokkrir bílar lentu í skriðum en enginn slasaðist. Neysluvatn á Flateyri og í Bolungarvík er mengað vegna leysinga og engin starfsemi er í fjórum matvælafyrirtækjum í Bolungarvík.

Formaður stjórnar Náttúruverndarsamtaka Íslands á bágt með að trúa því að mál Jóns Gunnarssonar snúist um hvalveiðar enda líti umhverfisverndarsamtök svo á að þeim sé meira og minna lokið hér.

Kaja Kallas, fyrrverandi forsætisráðherra Eistlands, verður að líkindum staðfest í dag sem nýr utanríkismálastjóri Evrópusambandsins. Hún og aðrir tilnefndir framkvæmdastjórar ESB hafa í dag svarað spurningum þingmanna í Evrópuþinginu, sem staðfesta skipun þeirra

Fjármögnun loftslagsaðgerða í þróunarlöndum er helsta verkefni COP 29 loftslagsráðstefnunnar í Aserbaísjan. Formaður Landverndar er svartsýnn á niðurstöðu.

Það er ekki nóg að vera í leikfimi ef fólk getur ekki lifað á ellilífeyrinum frá Tryggingastofnun, segir formaður kjaranefndar Landssambands eldri borgara. Stjórnmálamenn verði ekki látnir í friði því ekki sé hægt að gleyma svo stórum hópi.

Þjálfari kvennalandsliðsins í handbolta kynnir klukkan tvö hópinn sem fer á Evrópumótið í handbolta. Ísland er á leið á mótið í fyrsta sinn í tólf ár.

Frumflutt

12. nóv. 2024

Aðgengilegt til

Rennur ekki út

• 00:01:25 Lokaðir vegir og mengað vatn á Vestfjörðum
• 00:04:18 Vegagerðin á Vestfjörðum
• 00:05:46 Umhverfisverndarsamtök um Jón Gunnarsson
• 00:07:47 Mörgum spurningum ósvarað
• 00:09:11 Evrópuþingið yfirheyrir tilvonandi framkvæmdastjór
• 00:11:49 Dómur vegna manndráps í Kópavogi
• 00:13:31 Kosningar í Þýskalandi
• 00:14:02 Fjármögnun loftslagsaðgerða á COP29
• 00:15:47 Sundlaugin í Grindavík opnuð á ný
• 00:16:03 Kjör ellilífeyrisþega
• 00:18:16 Íþróttir

Útvarpsfréttir.