Hádegisfréttir

Hádegisfréttir 10. október 2024

Minnst fjórir létust þegar fellibylurinn Milton gekk yfir Flórída í gærkvöld og nótt, óttast er að fleiri hafi farist. Þrjár milljónir eru án rafmagns og sums staðar flæddi vatn í tveggja metra hæð.

Forsætisráðherra segir að það sé í allan stað óeðlilegt að félagsmálaráðherra hafi haft beint samband við ríkislögreglustjóra vegna brottflutnings fatlaðs drengs. Dómsmálaráðherra geti einn átt samskipti við sinn undirmann.

Atkvæðagreiðslu um kennaraverkfall í fjórum leikskólum, þremur grunnskólum og einum framhaldsskóla lauk í hádeginu.

Skipulagsmál hafa tafið það að öryggi við Stuðlagil þar sem banaslys varð í gær, sé bætt varanlega. Landeigandi hefur ekki geta nýtt styrkfé frá framkvæmdasjóði ferðamannastaða þar sem efnisnámu vantaði inn á skipulagið.

Nýjar reglur sem skylda Grímseyinga til að vinna allan afla á staðnum eru rothögg fyrir eyjuna að sögn útgerðarmanns; Byggðastofnun eigi að styðja og styrkja en ekki ýta undir taprekstur.

Forsætisráðherra Ungverjalands fékk óblíðar móttökur í Evrópuþinginu í Strassborg í gær, þar sem hann kynnti stefnu Ungverja, sem gegna formennsku í leiðtogaráði Evrópusambandsins.

Suður-kóreski rithöfundurinn Han Kang fær bókmenntaverðlaun Nóbels í ár. Hún er fyrsti höfundurinn frá Suður-Kóreu sem hlýtur verðlaunin.

Frumflutt

10. okt. 2024

Aðgengilegt til

Rennur ekki út

• 00:01:37 Eyðilegging Miltons verður ljós
• 00:04:41 Ráðherrar og brottvísun Yasans
• 00:07:07 Öryggismál við Stuðlagil
• 00:09:20 Varnargarðar kosta rúmlega 8 millj
• 00:09:46 Búseta er ekki að hefjast í Grindavík
• 00:11:43 Sótt að Orban á Evrópuþinginu
• 00:14:01 Atkvæðagreiðsla um kennaraverkfall
• 00:15:56 Grímseyingar um breyttar reglur á byggðarkvóta
• 00:17:38 Bókmenntaverðlaun Nóbels
• 00:18:49 Íþróttir
• 00:21:05 Veður
• 00:21:25 Seinni helst

Útvarpsfréttir.