Hádegisfréttir

Hádegisfréttir 26. september 2024

Þingmenn stjórnar og stjórnarandstöðu voru stóryrtir á Alþingi í morgun um óboðlegar aðstæður erlends verkafólks og vinnumansal. Þeir skoruðu á stjórnvöld að stíga fastar til jarðar í þessum málum.

Krefjandi tímar eru framundan í efnahagsmálum og reyna mun á þolrif almennings samkvæmt hagspá Arion banka. Hagvöxtur verður minni, vanskil aukast og stýrivextir verða áfram háir.

Þrír ráðherrar í ríkisstjórn Ísraels fallast ekki á vopnahlé í Líbanon. Ísraelsher drap tuttugu manns í Líbanon í nótt. Hálf milljón manna hefur lagt á flótta.

Lögreglan á Norðurlandi eystra felldi í dag niður rannsókn á hendur sjö manns, þar af sex blaðamönnum, fyrir líkamsárás, brot á friðhelgi einkalífsins og dreifingu á kynferðislegu myndefni.

Kostnaður við þjónustu við börn og ungmenni með fjölþættan vanda er of mikill fyrir sveitarfélögin. Lagt er til að ríkið taki ábyrgð á þjónustu við þau í nýrri skýrslu.

Forseti Rússlands vill rýmka reglur um beitingu kjarnorkuvopna þannig að þeim megi beita gegn ríkjum sem ekki búa yfir slíkum vopnum, hafi þau tekið þátt í meiri háttar árás á Rússland. Talsmaður rússneskra stjórnvalda segir þetta viðvörun til Vesturvelda.

Norðanáhlaupið í júní varð til þess að lömb koma léttari af fjalli en í fyrra og fallþungi dilka er minni en í venjulegu ári það sem af er sláturtíð.

Grindavík og Njarðvík tefla fram sameiginlegu kvennaliði í fótbolta.

Frumflutt

26. sept. 2024

Aðgengilegt til

Rennur ekki út

• 00:01:44 Vinnumansal á Alþingi
• 00:04:21 Yfirlýsingar ASÍ og SA um vinnumansal
• 00:05:08 Efnahagsspá Arionbanka
• 00:07:16 Rannsókn felld niður
• 00:08:08 Ísraelar neita vopnahléi
• 00:09:28 Kostnaður ríkis og sveitarfél við fatlaða
• 00:11:16 Jón Gnarr í Viðreisn
• 00:11:46 Pútín vill rýmka kjarnorkureglur
• 00:13:28 Lömbin koma létt af fjalli
• 00:15:16 Stórt útfall í útsendingum fyrir norðan
• 00:15:44 Sjón barna hefur versnað síðustu ár
• 00:17:26 Sýknaður eftir hálfa öld á dauðadeild
• 00:18:12 Íþróttir
• 00:20:01 Veður
• 00:20:26 Seinni helst

Útvarpsfréttir.