Hádegisfréttir

Hádegisfréttir 23. ágúst 2024

Dregið hefur úr krafti eldgossins sem hófst á Sundhnúksgígaröðinni í gærkvöld. Dökkur gosmökkur stígur upp þegar kvika kemst í snertingu við vatn. Gosið sést vel frá Reykjanesbraut og dæmi eru um að fólk gangi að gosinu illa búið.

Gæsluvarðhalds verður krafist síðar í dag yfir manni sem handtekinn var í gær, grunaður um að eiga hlut að andláti hjóna í Neskaupstað. Rannsókn lögreglu beinist meðal annars að því hvort vopni hafi verið beitt við verknaðinn.

Flytja þurfti í morgun fimmtíu skólabörn til byggða sem voru á ferð að Fjallabaki þegar fimmtán þeirra veiktust. Þetta er í annað sinn sem hópsýking kemur upp í hálendisferðum í mánuðinum.

Flætt hefur inn í kjallara í minnst sex húsum á Siglufirði í miklu vatnsveðri. Dæla í fráveitukerfi er biluð og önnur hefur ekki undan.

Kamala Harris hét því að verða forseti allra Bandaríkjamanna og varaði við afleiðingum ef andstæðingur hennar, Donald Trump, næði kjöri í kosningunum fimmta nóvember. Fjögurra daga landsfundi Demókrata lauk í gærkvöldi.

Óskar Örn Hauksson, leikjahæsti fótboltamaður efstu deildar frá upphafi, fagnaði fertugsafmæli sínu með því að skora mark þegar hann kom inn á sem varamaður í Evrópuleik Víkinga í gærkvöld. Liðið fór langleiðina að tryggja sér sæti í deildakeppni Sambandsdeildarinnar.

Frumflutt

23. ágúst 2024

Aðgengilegt til

Rennur ekki út

• 00:01:34 Þróun eldgossins
• 00:01:54 Eldgos - Beint frá Svartsengi
• 00:04:37 Hámarkshraði á Reykjanesbraut lækkaður
• 00:05:00 Benedikt Ófeigs um stöðu gossins
• 00:07:54 Almannavarnir - Víðir Reynisson
• 00:09:49 Andlát í Neskaupstað
• 00:11:33 Veik börn flutt af hálendinu
• 00:13:24 Rigning og skriðuhætta á norður og vesturlandi
• 00:13:56 Flæðir í kjallara á Siglufirði
• 00:15:38 Harris á landsfundi Demókrata
• 00:17:55 Íþróttir
• 00:19:50 Veður
• 00:20:22 Seinni helst

Útvarpsfréttir.