Hádegisfréttir

Hádegisfréttir 8. ágúst 2024

Carles Puigdemont, fyrrum leiðtogi Katalóníu, sneri aftur til Barcelona í dag eftir sjö ára sjálfskipaða útlegð. Yfir honum vofir handtökuskipun og lögregla reynir eftir fremsta megni að hafa hendur í hári hans.

Matvælaráðherra segir afar brýnt að Ísland svari sem fyrst kröfum Eftirlitsstofnunar EFTA um löglega förgun á aukaafurðum dýra. Lausnin felist í aðkomu ríkisins að förgunarstöð fyrir skaðlegar dýraleifar sem á að reisa í Eyjafirði.

Stjórnvöld í Ísrael ætla að svipta nokkra sendifulltrúa Noregs á Vesturbakkanum stöðu sinni sem diplómata. Utanríkisráðherra Noregs segir þetta hafa áhrif á getu norska ríkisins til að hjálpa Palestínumönnum.

Ókvæðisorð á nýmáluðum regnbogafána blöstu við Hvergerðingum í morgun. Bæjaryfirvöld ætla að bregðast við með stærri og bjartari fána.

Þyrla fer um 240 ferðir með byggingarefni upp að fossinum Dynjanda á Vestfjörðum í vikunni. Verið er að byggja útsýnispalla við fossinn en ítrekað hefur þurft að fresta framkvæmdum vegna veðurs.

Langmest sást af langreyði í hvalatalningu Hafrannsóknarstofnunar við landið í sumar. Hvalasérfræðing grunar að hnúfubak sé að fjölga.

Nítján ára piltur var handtekinn í gær fyrir að skipuleggja hryðjuverk fyrir tónleika Taylor Swift í Vínarborg um helgina. Búist var við um 65 þúsund tónleikagestum.

Frumflutt

8. ágúst 2024

Aðgengilegt til

Rennur ekki út

• 00:01:42 Puigdemont mættur til Katalóníu
• 00:04:36 Eldur Kirkjusandi
• 00:04:54 Ísraelar hefna sín á Norðmönnum
• 00:06:12 ESA krefur Ísland um útbætur
• 00:08:09 Áminnt um að baráttan heldur áfram
• 00:10:04 Hryðjuverkaógn á tónleikum Swift
• 00:12:22 Brákarborg
• 00:13:13 Hvalatalning
• 00:13:34 Eldur Kirkjusandi
• 00:14:41 Framkvæmdir hafnar við Dynjanda
• 00:17:10 Íþróttir
• 00:19:48 Veður
• 00:20:17 Seinni helst

Útvarpsfréttir.