Hádegisfréttir

Hádegisfréttir 5. ágúst 2024

Breska ríkisstjórnin boðaði til neyðarfundar í morgun vegna mótmælaöldu í landinu. Stjórnvöld erlendra ríkja vara við ferðum til Bretlands. Mótmælendur kveiktu í gær í hóteli í Rotherham sem hýsir hælisleitendur.

Nokkur hundruð leituðu skjóls í Herjólfshöllinni vegna veðurs á Þjóðhátíð í Vestmannaeyjum. Í Neskaupsstað þurfti að færa stórtónleika Neistaflugs inn í reiðhöllina.

Hrun varð á hlutabréfamörkuðum víða um heim í morgun. Virði hlutabréfa í Japan hefur ekki lækkað meira síðan 1987. Áhyggjur af efnahagsástandinu vestanhafs er talin helsta ástæða lækkunarinnar.

Foreldrar á Akureyri eru óánægðir með fátæklegt framboð sumarnámskeiða. Forseti bæjarstjórnar segir þetta til skoðunar en námskeiðum verði ekki fjölgað í ágúst.

Yfirvöld í Ástralíu hafa hækkað viðbúnaðarstig vegna hryðjuverka. Þau eru nú ekki talin hugsanleg heldur líkleg. Leyniþjónusta landsins segir að hættan stafi helst af öfgafullri hugmyndafræði.

Forsætisráðherra Bangadess hrökklaðist frá völdum í morgun og flýði til Indlands. Tæplega hundrað létust í óeirðum í landinu í gær.

Hátíðahöld um helgina voru vel heppnuð þrátt fyrir að veður hafi sett strik í reikninginn víða. Harmonikkuhátíð á Borg í Grímsnesi var sú fjölmennasta sem haldin hefur verið til þessa.

Frumflutt

5. ágúst 2024

Aðgengilegt til

Rennur ekki út

• 00:00:00 Helst
• 00:01:24 Óeirðir í breskum borgum
• 00:03:11 Verslunarmannahelgi hátíðir
• 00:05:36 Veðurfræðingur í beinni úr klefa
• 00:07:48 Bangladess
• 00:09:21 Hrun á hlutabréfamörkuðum
• 00:09:57 Takmörkuð sumarfrístund í boði á Akureyri
• 00:11:36 Viðbúnaðarstig í Ástralíu
• 00:12:51 Harmonikkuhátíð á Borg
• 00:14:36 Kerfisbilun hjá Veðurstofunni
• 00:14:58 Íþróttir

Útvarpsfréttir.