Hádegisfréttir

Hádegisfréttir 4. ágúst 2024

Leit stendur nú yfir í Vestmannaeyjum að ungum manni sem síðast sást í Herjólfsdal í nótt. Björgunarbátur hefur verið ræstur út og lögreglustjóri segir að landhelgisgæslan verði kölluð til ef hann finnst ekki innan skamms.

Talsverður erill var hjá Lögreglunni á Akureyri í nótt. Fjölmennt var í bænum fram eftir morgni, og fjórir gistu fangageymslur

Djúp lægð er á leið upp að landinu sem valda mun leiðindaveðri í dag og á morgun. Gular viðvaranir taka gildi síðar í dag.

Drápið á Hamas leiðtoganum Ismail Haniyeh setur viðræður um frið á Gaza í uppnám. Ættingjar gísla sem eru í haldi Hamas eru úrkula vonar um að þeim verði sleppt.

Þrír fangaverðir leituðu aðhlynningar á spítala eftir að fangi á Litla-hrauni réðst fyrirvaralaust á þá. Formaður fangavarðafélags Íslands segir slík atvik vera að færast í aukana.

Makrílveiði íslenskra skipa í Síldarsmugunni hefur verið afar róleg og aðeins nokkrir tugir tonna fást í hverju hali. Áfram verður þó leitað.

Örlítil aukning er á skjálftavirkni á Reykjanesskaga - enn er búist við kvikuhlaupi og jafnvel gosi á næstunni.

Frumflutt

4. ágúst 2024

Aðgengilegt til

Rennur ekki út

• 00:01:13 Leitað að manni í Vestmannaeyjum
• 00:03:41 Útihátíðahringur
• 00:05:00 Veðurfræðingur um útlitið
• 00:07:02 Ísrael og Gaza
• 00:08:52 Skotinn á veitingastað
• 00:09:12 Árás á fangaverði á Litlahrauni
• 00:10:28 Makrílflotinn í Smugunni
• 00:11:59 Bangladess mótmæli
• 00:12:35 5 ára drengur lést í hoppukastala
• 00:13:02 Mótmæli í Bretlandi
• 00:14:18 Staðan á Reykjanesskaga
• 00:14:39 Íþróttir

Útvarpsfréttir.