Hádegisfréttir

Hádegisfréttir 18. desember 2023

Til skoðunar er að aflétta rýmingu í Grindavík ef hættumat sem gefið verður út á miðvikudaginn verður óbreytt frá fyrra mati. Þetta segir lögreglustjórinn á Suðurnesjum. Íbúar hafa gist í bænum í óleyfi.

Framkvæmdum við varnargarðana nærri Svartsengi miðar vel. Áætlaður kostnaður verður mögulega undir áætlun.

Innviðaráðherra segir að almenningur hafi lítinn skilning á verkfallsaðgerðum flugumferðarstjóra. Ekki standi til að setja lög á þessar aðgerðir að svo stöddu en stjórnvöld fylgist grannt með þróun mála.

Rúmlega hundrað Palestínumenn létu lífið í árásum Ísraelshers á fjölbýlishús á Gasa í gær. Öryggisráð Sameinuðu þjóðanna kemur saman í dag til að ræða vopnahlé.

Námsmenn eru í mikilli óvissu um námslán sín eftir að nýtt námslánakerfi tók gildi fyrir þremur árum. Óljóst er hvort markmið hafi náðst í kerfi þar sem fimmta hver króna úr ríkissjóði fer í rekstur en ekki lán.

Óvíst er um framhaldslíf tveggja stærstu líkhúsa landsins. Kirkjugarðar Akureyrar og Reykjavíkur segjast ekki hafa ráð á rekstrinum, en dómsmálaráðuneyti hefur ekki skýrt hverjum beri að reka líkhús landsins.

Snorri Steinn Guðjónsson, þjálfari karlalandsliðsins í handbolta, valdi 20 manna landsliðshóp fyrir EM í janúar í dag. Andri Már Rúnarsson er eini nýliðinn í hópnum.

Frumflutt

18. des. 2023

Aðgengilegt til

Rennur ekki út

• 00:01:37 Grindvíkingar og löggan
• 00:03:19 Staðan á vinnu við varnargarðana
• 00:04:36 Innviðaráðherra um verkfall flugumferðarstjóra
• 00:07:10 Gasa vopnahlésviðræður
• 00:08:50 Útvarpsstjóri fær undirskriftalista
• 00:09:12 Dýrt kerfi með mikilli óvissu fyrir námsmenn
• 00:11:18 Framhaldslíf líkhúsanna
• 00:13:18 Serbía kosningar
• 00:14:13 ESB skoðar X
• 00:14:40 Fleiri heimsækja söfn í Noregi
• 00:15:36 Geimskot Blue Origin fyrirhugað í dag
• 00:17:08 Fjögurra dala vasi seldist á rúmlega 100 þúsund
• 00:17:56 Íþróttir
• 00:20:27 Veður
• 00:20:49 Seinni helst

Útvarpsfréttir.