Hádegisfréttir

Hádegisfréttir 16. nóvember 2023

Ýmislegt bendir til þess að það styttist í gos miðað við reynslu af fyrri eldsumbrotum á Reykjanesskaga. Kvikan flæðir enn inn en á sama tíma dregur úr virkni á svæðinu.

Lögreglan á Suðurnesjum byrjaði að hleypa Grindvíkingum sem búa á rauða svæðinu svokallaða inn í bæinn í morgun. Unnið er að viðgerð til að koma rafmagni á hluta bæjarins.

Formaður fjárlaganefndar Alþingis segir viðbúið að hamfarirnar á Suðurnesjum og í Grindavík hafi áhrif á rekstur ríkissjóðs á næsta ári.

Byssur, handsprengjur, skotfæri og önnur hertól eru meðal þess sem Ísraelsher segist hafa fundið á Al-Shifa sjúkrahúsinu á Gaza. Mannréttindafulltrúi Sameinuðu þjóðanna hefur áhyggjur af vaxandi spennu á Vesturbakkanum.

180 Venesúelabúar fóru úr landi í gær eftir að hafa verið synjað um dvalarleyfi hér á landi. Formaður Félags umsækjenda um alþjóðlega vernd segir félaginu hafa borist upplýsingar í morgun um að vegabréf þeirra hafi verið gerð upptæk af yfirvöldum og þau flutt í einhvers konar varðhald.

Meirihluti þingmanna á spænska þinginu styður nýja stjórn Pedro Sanchez, leiðtoga sósíalista. Niðurstaðan varð ljós fyrir nokkrum mínútum. Meirihlutinn náðist eftir umdeilt samkomulag um sakaruppgjöf sem gert var við flokk aðskilnaðarsinna í Katalóníu.

Isavia ætlar að skipta ensku út fyrir íslensku sem fyrsta tungumáli á skiltum í Flugstöð Leifs Eiríkssonar. Fyrirtækið gefur sér rúmt ár í að koma þessu í framkvæmd.

Frumflutt

16. nóv. 2023

Aðgengilegt til

Rennur ekki út

• 00:01:53 Jarðhræringar við Grindavík
• 00:03:34 Almannavarnir
• 00:05:14 Aðgerðastjórn í Reykjanesbæ
• 00:06:10 Unnið að því koma rafmagni á
• 00:07:10 Geymsluhólfin tæmd
• 00:07:38 Vinnsla fjárlaga tefst
• 00:09:49 Segjast hafa fundið vopn á Al-Shifa
• 00:11:25 Árásir á Vesturbakkanum
• 00:12:20 Venesúelabúum fylgt úr landi
• 00:14:23 Sanchez myndar meirihlutastjórn á Spáni
• 00:16:33 Biden og Xi sammála um margt
• 00:17:07 Spá meiri verðbólgu
• 00:17:46 Hefja íslensku á loft á Keflavíkurflugvelli
• 00:18:55 Íþróttir
• 00:20:42 Veður
• 00:21:01 Seinni helst

Útvarpsfréttir.