Eftirlitsnefnd Evrópuráðsins hefur áhyggjur af getuleysi íslenskra stjórnvalda til að takast á við mansal. Dæmi er um barnunga stúlku sem seld var í vændi og gift mun eldri manni.
Ísraelsher sendi fótgönguliða og skriðdreka inn á Gaza í morgun. Enginn staður á Gaza er öruggur segja Sameinuðu þjóðirnar. Leiðtogar Evrópusambandsríkja ræða sameiginlega afstöðu til átakanna fyrir botni Miðjarðarhafs.
Forsvarsmönnum KFUM og K er brugðið vegna ásakana á hendur séra Friðriki Friðrikssyni, stofnanda félaganna, sem greint er frá í nýrri ævisögu.
Seðlabankastjóri segir af og frá að á Íslandi sé lífskjarakrísa. Undanfarin misseri hafi átt sér stað gríðarleg millifærsla frá sparifjáreigendum til þeirra sem tekið hafi fasteignalán.
Jarðskjálftahrina á Reykjanesskaga heldur áfram. Vísindaráð Almannavarna kemur saman í dag.
Víðtæk leit stendur yfir að manni sem varð sextán að bana í borginni Lewiston í Maine í Bandaríkjunum í gærkvöld.
Íslendingar ávísa undanþágulyfjum í meiri mæli en Svíar. Forstjóri Lyfjastofnunar segir öllum ráðum beitt til að fjölga markaðsleyfum fyrir lyf.
Repúblikaninn Mike Johnson sem kjörinn var forseti fulltrúadeildar Bandaríkjaþings í gær lét það verða sitt fyrsta verk í nýju embætti að leggja fram ályktun um stuðning við Ísraela.
Píeta-samtökin opna í dag Píetaskjól á Ísafirði. Þetta er þriðja slíka athvarfið á landsbyggðinni og það fyrsta á Vestfjörðum.
