Hádegisfréttir

Hádegisfréttir 11. júní 2026

Hópur fólks í Samfylkingunni mótmælir nýsamþykktum lögum um brottvísunarstöð og krefst þess að þeim verði ekki framfylgt. Nýkjörinn borgarfulltrúi flokksins segir rangt að frelsissvipta börn.

Maður er í haldi grunaður um að hafa stungið tvo menn á knæpu í miðborg Reykjavíkur í gær.

Forsætisráðherra Noregs segir mikilvægt að samningurinn um Evrópska efnahagssvæðið verði áfram í fullu gildi, óháð því hvað verður um mögulegar aðildarviðræður Íslands.

Alþjóðagjaldeyrissjóðurinn varar við minni hagvexti hér á landi og vaxandi verðbólgu.

Skrifstofur Hagkaupa í Skútuvogi voru rýmdar vegna hótunar í dag.

Íranar segjast hafa lokað fyrir siglingar um Hormússund. Árásir Bandaríkjamanna og Írana héldu áfram í nótt. Þrír indverskir sjómenn voru drepnir í árás Bandaríkjamanna úti fyrir ströndum Ómans.

Fyrri hluta kjarnaborana vegna rannsóknar á jarðgöngum til Vestmannaeyja er lokið. Það ætti að skýrast síðar í ár hve raunhæf gangagerðin er.

Enn fjölgar ríkjum sem vilja banna börnum að vera á samfélagsmiðlum. Ríkisstjórn Kanada kynnti frumvarp þess efnis í gær.

Heimsmeistaramót karla í fótbolta hefst í kvöld á Azteca-velli í Mexíkóborg.

Birt

11. júní 2026

Aðgengilegt til

Rennur ekki út

• 00:01:27 Ólga í Samfylkingunni
• 00:03:52 Tveir stungnir á Mónakó
• 00:04:26 Vara við minni hagvexti og meiri verðbólgu
• 00:05:13 Hagfræðingur VR um launahækkanir
• 00:06:36 Hagkaup
• 00:06:52 Störe í Brussel
• 00:09:06 Kjarnaborun á Eiðinu lokið
• 00:10:24 Hormússund lokað
• 00:12:02 John Healy segir af sér
• 00:12:44 Grindavík
• 00:14:37 Stór úthlutun til krabbameinstannsókna
• 00:17:22 Kanada vill banna samfélagsmiðlanotkun
• 00:18:37 Íþróttir
• 00:20:46 Veður
• 00:21:08 Seinni helst

Útvarpsfréttir.