Hádegisfréttir

Hádegisfréttir 11. maí 2026

Tveir farþegar af skipinu Hondiusi hafa greinst með hantaveiru eftir að þeir komu til síns heima. Fyllstu varúðar er gætt við flutning farþeganna og litlar líkur eru taldar á faraldri.

Fjórir karlmenn á fertugsaldri voru í dag dæmdir í 20 mánaða til fjögurra og hálfs árs fangelsi fyrir skipulagða brotastarfsemi og stórfellt fíkniefnalagabrot.

Þingmaður Verkamannaflokksins ætlar að að knýja fram leiðtogakjör í haust með undirskriftasöfnun. Forsætisráðherrann Keir Starmer ávarpaði flokksmenn í morgun og sagðist vita að fólk væri vonsvikið með stöðu landsins.

Sjöunda árið í röð hefur ekki tekist að fá fólk í sumarafleysingar í þjónustu við aldraða í Skagafirði.

Mótmæli vegna þátttöku Rússlands hafa sett mark á Feneyjatvíæringinn í myndlist. Gestur segir augljóst að alls staðar þar sem þjóðir keppi sé mikil spenna vegna stöðu alþjóðastjórnmála.

Skipuleggjendur Eurovision hafa áminnt ísraelska keppandann fyrir auglýsingar á samfélagsmiðlum, þar sem fólk er hvatt til að kjósa framlag Ísraels.

Áhugi íslenskra kvenna á þjóðbúningum hefur aukist á síðustu árum, segir formaður Þjóðbúningafélags Íslands. Aðsókn á þjóðbúninganámskeið er mikil en kennararnir fáir.

Birt

11. maí 2026

Aðgengilegt til

Rennur ekki út

• 00:01:28 Farþegar af Hondiusi fluttir heim
• 00:02:57 Dómur í fíkniefnamáli
• 00:03:47 Hafði 160 milljónir af Arion banka
• 00:04:38 Staða forsætisráðherra Bretlands
• 00:07:02 Konu dæmdar 300 þúsund krónur í bætur
• 00:07:50 Skerða þjónustu við aldraða sökum mönnunarvanda
• 00:09:21 Stjórnarmyndun í Danmörku
• 00:09:58 Mótmæli á Feneyjatvíæringnum
• 00:11:39 Ísraelar áminntir vegna auglýsinga
• 00:13:30 Úttekt lokið á Alvotech
• 00:14:14 Pólskur ráðherra á flótta
• 00:15:57 Aukinn áhugi á þjóðbúningnum
• 00:17:37 Íþróttir

Útvarpsfréttir.