Hádegisfréttir

Hádegisfréttir 3. maí 2026

Leiðtogar Bandaríkjanna og Íran telja líkur á að stríð brjótist aftur út í Íran. Bandaríkjaforseti segir ólíklegt að hann samþykki samningstilboð Írana um frið.

Forseti ASÍ segir sterk öfl vilja hafa réttindi af verkafólki og verkalýðsfélögin þurfi að verja þau. Framkvæmdastjóri Viðskiptaráðs segir ummæli sín um verkalýðsfélög hafa verið tekin úr samhengi. Hann hafi í raun verið að hrósa þeim.

Það er ekki erfið tíð hjá öllum iðnaðarmönnum en formaður málarameistarafélagsins segir þó blikur á lofti eftir sumarið. Formaður félags pípulagningameistara sagði í gær samdrátt á byggingamarkaði farinn að hafa áhrif á félagsmenn.

Atvinnuvegaráðherra segir sláandi hversu mikill verðmunur sé á loðnu í Færeyjum og hér á landi. Þrefalt hærra verð fæst fyrir loðnu til frystingar í Færeyjum.

Eldri borgarar hafa þurft að endurnýja ökuréttindi sín mun örar hér á landi en í nágrannalöndunum. Þingmaður sem vill slaka á reglunum, segir það réttlætismál fyrir eldri ökumenn.

Og tíminn líður hratt á gervihnattaöld - í dag eru fjörutíu ár síðan ICY-flokkurinn flutti Gleðibankann á Eurovisionsviðinu í Noregi, en það var í fyrsta sinn sem Ísland tók þátt í keppninni.

KR-ingar eru einir með fullt hús stiga eftir fimm leiki í Bestu deild karla í fótbolta. Þeir unnu Reykjavíkurslaginn við Val að Hlíðarenda í gærkvöld.

Birt

3. maí 2026

Aðgengilegt til

Rennur ekki út

• 00:01:38 Ólíklegt að samningstilboð Írana leiði til friðar
• 00:03:40 Trump ætlar að kalla fleiri en 5.000 frá Þýskaland
• 00:04:33 Eru verkalýðsfélög ónauðsynleg?
• 00:06:26 Blikur á lofti hjá málurum næsta haust
• 00:08:18 Sláandi verðmunur á loðnu
• 00:09:34 Engar handtökur í samkvæmi Hells Angels
• 00:10:10 Endurnýjun ökuréttinda
• 00:11:56 Engin heimavist við fjölbrautarskóla Suðurlands
• 00:13:44 Tvær milljónir dönsuðu við Shakiru
• 00:15:02 40 ár frá fyrstu þátttöku í Eurovision
• 00:15:57 Íþróttir
• 00:18:30 Veður
• 00:18:54 Seinni helst

Útvarpsfréttir.