Hádegisfréttir

Hádegisfréttir 28. apríl 2026

Ríkið og Reykjavíkurborg ætla að byggja á annað þúsund nýjar íbúðir á ríkislóðum á næstu árum. Áform eru um svipaða uppbyggingu í fleiri sveitarfélögum.

Þrjátíu og sex vændismál komu á borð lögreglunnar í fyrra og framboð á vændi hefur líklega aldrei verið meira. Hluti þess tengist skipulagðri glæpastarfsemi og konurnar eru fórnarlömb mansals.

Líkur eru á að átök blossi upp aftur þó að Bandaríkin og Íran semji um frið, að mati prófessors í nútímasögu Mið-Austurlanda. Bandaríkin skoða nýjustu tillögur Írana en forsetinn er ósáttur við að þar sé ekki minnst á kjarnorkuáætlun Írana.

Umferð um höfuðborgarsvæðið þyngist sífellt og þeim fjölgar sem kjósa einkabílinn sem sinn helsta ferðamáta. Það tekur jafn langan tíma að fara sunnan úr Hafnarfirði að Háskóla Íslands á bíl og á hjóli, þegar skólar byrja á haustin.

Réttarhöld yfir tveimur mönnum sem eru ákærðir fyrir að hafa skipulagt hryðjuverkaárás á tónleikum bandarísku söngkonunnar Taylorar Swift í Austurríki fyrir tveimur árum hófust í dag. Annar mannanna hefur játað.

Íbúi í Vestmannaeyjum segir mikla ólgu í samfélaginu vegna stöðu samgöngumála. Upplýsingagjöf til eyjamanna sé fyrir neðan allar hellur. Landeyjahöfn virki ekki sextán árum frá opnun.

Tugmilljarða uppbygging gagnavers er í burðarliðnum á Akureyri. Framkvæmdirnar glæða atvinnulíf nyrðra svo um munar.

Dregið var í 16-liða úrslit bikarkeppni kvenna í fótbolta í höfuðstöðvum KSÍ í morgun. Þjálfari karlaliðsins í handbolta hefur valið landsliðshópinn fyrir æfingaleiki gegn Egyptum.

Birt

28. apríl 2026

Aðgengilegt til

Rennur ekki út

• 00:01:51 Aðgerðir í húsnæðismálum
• 00:03:39 Skipulögð vændisstarfsemi á Íslandi
• 00:06:05 Magnús Þorkell og Hormússund
• 00:08:00 Mikil ólga í Vestmannaeyjum vegna samgöngumála
• 00:09:48 Björgvin Halldórsson jarðsunginn
• 00:10:11 Umferð þyngist enn á höfuðborgarsvæðinu
• 00:12:19 Játaði að hafa skipulagt árás á Taylor Swift tónle
• 00:13:51 Aftökum fjölgað í Norður-Kóreu
• 00:14:51 Stækka gagnaver atNorth á Akureyri
• 00:16:41 Sameinuðu Arabísku úr OPEC
• 00:17:10 Skotárás í Aþenu
• 00:17:42 Uppsagnir Íslandsbanka
• 00:18:17 Íþróttir

Útvarpsfréttir.