Hádegisfréttir

Hádegisfréttir 14. mars 2026

Stórt snjóflóð féll skammt utan við Siglufjörð í nótt, það fór yfir veginn og út í sjó. Mikil ofankoma hefur verið á Siglufirði og Ólafsfirði síðustu daga og óvissustig vegna snjóflóðahættu í gildi.

Um fimm þúsund bandarískir hermenn eru sagðir vera á leið til Mið-Austurlanda, mögulega til að ná yfirráðum yfir eyju úti fyrir Íran, sem sögð er lífæð íranska byltingarvarðarins. Bandaríkjamenn gerðu loftárásir á eyjuna í nótt.

Íbúar í úkraínsku borginni Kherson kalla drónahernað Rússa í borginni mannaveiðar. Drónarnir eru notaðir til að elta fólk uppi á götum og varpa á það sprengjum.

Ekkert verður af flutningi Listaháskólans í húsnæði Tækniskólans í Reykjavík. Rektor segir tillögu að nýju húsnæði í bígerð.

Nemendur við Háskólann á Akureyri geta ekki flutt inn í nýjar stúdentaíbúðir á árinu, eins og til stóð. Yfir áttatíu hafa verið á biðlista síðustu misseri og skiptinemar hafa dvalið á gistiheimilum.

Grindavík varð í gærkvöldi deildarmeistari karla í körfubolta eftir sigur á Stjörnunni. Tvær umferðir eru enn eftir af deildarkeppninni en forskot Grindvíkinga slíkt að enginn getur náð þeim.

Birt

14. mars 2026

Aðgengilegt til

Rennur ekki út

• 00:00:00 Helst
• 00:01:29 Stórt snjóflóð á Siglufjarðarvegi
• 00:03:48 Gul veðurviðvörun
• 00:04:52 Sagðir ætla að ná Kharg-eyju
• 00:06:54 Drónar og mannaveiðar - Heimskviðutís
• 00:08:13 LHÍ fer ekki í Tækniskólann
• 00:09:45 Venesúela vill afnám refsiaðgerða
• 00:10:55 Evrópuvefurinn
• 00:12:47 Bárðarbunguskjálftar
• 00:13:16 Stúdentaíbúðir á Akureyri
• 00:14:55 Matarmarkaður í Hörpu
• 00:16:57 Íþróttir

Útvarpsfréttir.