Hádegisfréttir

Hádegisfréttir 15. janúar 2025

Brúin yfir Ferjukotssíki í Borgarfirði gaf sig í morgun vegna vatnavaxta og klaka. Ferðamenn lentu í vandræðum í vatnselg á Holtavörðuheiði í nótt. Björgunarsveitarmaður synti til þeirra í öryggislínu til að bjarga þeim af þaki bíls þeirra.

Lögreglustjórinn á Norðurlandi Eystra hefur opnað aðgerðarstjórn á Húsavík til að undirbúa viðbrögð við hugsanlegu eldgosi í Bárðarbungu. Rólegt var við Bárðarbungu í nótt.

Samningaviðræður um vopnahlé á Gaza halda áfram í Katar. Ísraelar hafa hert árásir og drepið minnst sextíu og tvo síðasta sólarhring.

Síma- og netsamband lá niðri á Skagaströnd frá miðnætti og framundir morgun þegar klakastykki ruddi niður bráðabirgðatengingu ljósleiðara yfir á skammt utan við bæinn.

Samningaviðræður kennara við sveitarfélögin halda áfram í dag. Formaður Kennarasambands Íslands segir kröfur þeirra óbreyttar.

Stefnt er að setningu Alþingis fyrir mánaðamót. Flokkur fólksins fer með formennsku í flestum þingnefndum.

Matvöruverð hækkaði minna um áramótin en búist var við. Engar vísbendingar eru um frekari hækkanir í janúar, segir verkefnastjóri verðlagseftirlits ASÍ.

Hafrannsóknastofnun þarf fé til að rannsaka loðnustofninn, segir formaður Samtaka sjávarútvegsfélaga. Engar loðnuveiðar voru í fyrra.

Ísland hefur leik á heimsmeistaramóti karla í handbolta á morgun og mætir þá Grænhöfðaeyjum.

Frumflutt

15. jan. 2025

Aðgengilegt til

Rennur ekki út

• 00:01:40 Vegagerð um flóð
• 00:03:58 Björgunarstörf á Holtavörðuheiði
• 00:05:36 Undirbúningur vegna Bárðarbungu
• 00:07:46 Vopnahlésviðræður í Doha
• 00:09:52 Ítrekað sambandsleysi á Skagaströnd
• 00:11:23 Kennaradeilan
• 00:13:13 Hvenær kemur Alþingi saman
• 00:14:56 Minni verðhækkanir en búist var við
• 00:15:47 Aflabrestur á loðnu
• 00:17:30 Vilja að ESB takmarki drykkju fyrir flug
• 00:18:37 Íþróttir
• 00:20:08 Veður
• 00:20:44 Seinni helst

Útvarpsfréttir.