Forsætisráðherra segir óðelilegt að þingmenn hringi í ríkislögreglustjóra snemma morguns. Tveir þingmenn Sjálfstæðisflokksins auk dómsmálaráðherra hringdu í Sigríði Björk Guðjónsdóttur morguninn sem flytja átti langveikan dreng af landi brott um miðjan september.
Fyrsti ríkisstjórnarfundur starfsstjórnar var í morgun, stjórnin leggur áherslu á fjárlög og fjárlagatengd mál næstu vikur.
Eitt þingsæti færist úr Norðvesturkjördæmi í Suðvestur- í alþingiskosningum, vegna breytinga á fjölda kjósenda á kjörskrá.
Ísraelar hafa haldið áfram árásum á Gaza þrátt fyrir fall leiðtoga Hamas-samtakanna. Alvarleg hungursneyð blasir við þar í vetur.
Vararíkissaksóknari er ekki mættur aftur til vinnu. Dómsmálaráðherra ákvað í byrjun september að leysa hann ekki frá störfum eins og ríkissaksóknari lagði til.
Norður-Kórea hefur sent Rússum fimmtán hundruð hermenn, sem talið er að eigi að herja á Úkraínu. Leyniþjónusta Suður-Kóreu greinir frá þessu.
Tvær frjósemisstofur verða starfræktar hér á landi, frjósemisstofan Sunna tekur formlega til starfa í dag. Samkeppni vantaði segir eigandinn .
Veðurstofan boðar gular viðvaranir vegna óvenjudjúprar lægðar sem gengur yfir landið.
Aron Pálmarsson, landsliðsmaður í handbolta er í samningaviðræðum við ungverska félagið Vezprem. Gangi þær viðræður upp gangur Aron til liðs við Vezprem í annað sinn á ferlinum.
