Hádegisfréttir

Hádegisfréttir 15. október 2024

Forseti Íslands þarf á næstu dögum að taka afstöðu til tillögu um þingrof og lausnarbeiðni forsætisráðherra sem búist er við að hann leggi fram á Bessastöðum í dag. Hvorki er fundur á Alþingi né í ríkisstjórn í dag.

Stjórnmálaflokkar þurfa að skila inn framboðslistum eftir rúmar tvær vikur, verði kosið 30. nóvember. Landskjörstjórn er búin að ræsa kosningavélina, segir framkvæmdastjórinn.

Aðalhagfræðingur Landsbankans segir óheppilegt að óvissa hafi aukist í pólitíkinni en ekki sé ástæða til að hafa miklar áhyggjur. Bankinn var að gefa út frekar bjarta hagspá, spáir minni verðbólgu og lægri vöxtum.

Meira en fjögur hundruð þúsund börn hafa hrakist á flótta í Líbanon síðustu þrjár vikur. Yfir milljón barna getur ekki farið í skólann.

Pólsk stjórnvöld ætla að banna flóttafólki, sem kemur yfir landamærin frá Belarús, að sækja um hæli í Póllandi. Málefni flóttafólks í Evrópu verða að líkindum í forgrunni á leiðtogafundi ESB í vikunni.

Andstæðingar laxeldis í Seyðisfirði gagnrýna nýtt áhættumat siglinga í firðinum og segja það ávísun á að vitalög verði brotin. Mast segir að gagnrýnin byggist á misskilningi; skilyrði í mögulegu rekstarleyfi tryggi að eldið fari að lögum.

Íslenska karlalandsliðið í fótbolta tapaði illa fyrir Tyrkjum í Þjóðadeild Evrópu. Bæði FH og Valur spila í Evrópudeildinni í handbolta gegn Íslendingaliðum í Kaplakrika í kvöld.

Frumflutt

15. okt. 2024

Aðgengilegt til

Rennur ekki út

• 00:01:47 Ríkisstjórnin - hvað gerist í dag
• 00:04:17 Landskjörstjórn - tímafrestir og skipulag
• 00:05:49 Hagspá Landsbankans
• 00:07:43 400 þúsund börn á flótta
• 00:09:52 Kennarar á fundi
• 00:10:28 Sjávarútvegsdagurinn
• 00:12:38 Málefni flóttafólks í forgrunni á ESB leiðtogafund
• 00:14:23 Gera athugasemdir við áhættumat
• 00:16:32 Metfjöldi herþota við heræfingar Kína
• 00:16:58 Sex nýjar ásakanir gegn Diddy
• 00:18:02 Íþróttir m

Útvarpsfréttir.