Hádegisfréttir

Hádegisfréttir 9. október 2024

Fellibylurinn Milton skellur á vesturströnd Flórída í kvöld og milljónir íbúa hafa yfirgefið heimili sín. Fellibylurinn Helena, sem gekk þar yfir fyrir tveimur vikum, var svipaður að styrk og þá fórust minnst 220.

Það gengur ekki að minnsti og veikasti stjórnarflokkurinn ráði ferðinni í stjórnarsamstarfinu, segir þingmaður Sjálfstæðisflokksins. Hingað og ekki lengra, segir hann um samstarfið. Formaður Vinstri grænna hvetur sitt fólk til dáða.

Hætt er við að halli ríkissjóðs verði enn meiri en sá 41 milljarður sem lagt er upp með í fjárlagafrumvarpi ríkisstjórnarinnar. Samtök atvinnulífisins telja líklegt að tekjur næsta árs séu ofmetnar.

94 sjúklingar liggja á göngum Landspítalans því ekki er pláss fyrir þá annars staðar. Á spítalanum eru 84 sem ekki er hægt að útskrifa því þeir þyrftu að leggjast inn á hjúkrunarheimili sem ekki eru til.

Ríkisheimsókn Höllu Tómasdóttur forseta Íslands til Danmerkur lýkur formlega í dag. Viljayfirlýsing um aukna samvinnu Íslendinga og Dana var undirrituð í heimsókninni.

Fundað er hjá ríkissáttasemjara í dag í deilu kennara við ríki og sveitarfélög og líka vegna kjaraviðræðna lækna við ríkið. Formaður Læknafélags Íslands telur að dregið geti til tíðinda.

Fyrirtæki í hótel- og gistiþjónustu fagna því að það sem þau kalla fljótandi hótel eigi frá áramótum að borga toll af matvörum og olíu sem þau kaupa hér. Leiðangursskip sem sigla með ferðamenn umhverfis landið missa að óbreyttu tollfrelsi sitt um áramót.

Frumflutt

9. okt. 2024

Aðgengilegt til

Rennur ekki út

• 00:01:50 Fellibylurinn Milton nálgast Flórída
• 00:03:48 Icelandair vegna flugs til Flórída
• 00:04:28 Ríkisstjórnarsamstarfið
• 00:07:04 Gegndarlaus skuldasöfnun kostar
• 00:09:27 Starfsmannaleigur og vinnumansal
• 00:10:03 Landspítali 94 liggja á göngunum
• 00:11:55 Ríkisheimsókn Höllu Tómasdóttur
• 00:14:29 Kjaraviðræður hjá ríkissáttasemjara
• 00:16:01 Gagnrýna sérkjör hringskipa
• 00:18:14 Íþróttir
• 00:20:12 Veður
• 00:20:41 Seinni helst

Útvarpsfréttir.