Hádegisfréttir

Hádegisfréttir 8. október 2024

Forsætisráðherra segir ríkisstjórnina áfram vinna samkvæmt þingmálaskrá og vera sammála um að setja efnahagsmálin í forgang. Engin ákvörðun hafi verið tekin um kjördag.

Yazan Tamimi og fjölskylda hans fengu í morgun alþjóðlega vernd á Íslandi. Lögmaður þeirra fagnar þessu og segir að fjölskyldan sé glöð með þessa niðurstöðu.

Móðir tíu ára stúlku sem var ráðinn bani í síðasta mánuði, segir að andlát hennar hafi verið ófyrirsjáanlegur atburður, og kennir handónýtu geðheilbrigðiskerfi um. Heilbrigðisráðherra telur geðheilbrigðismál ekki hafa verið vanrækt.

Fyrsta opinbera heimsókn Höllu Tómasdóttur forseta Íslands hófst í Kaupmannahöfn í morgun. Friðrik konungur varð fyrsti danski þjóðhöfðinginn sem heimsækir Jónshús.

Nítján ára karlmaður sem dæmdur var í tólf ára fangelsi fyrir að hafa banað 27 ára manni fyrir utan Fjarðarkaup í Hafnarfirði í apríl í fyrra er laus úr fangelsi.

Hafnfirðingar hafa áhyggjur af umhverfisáhrifum, jarðhræringum og áhrifum á fasteignaverð gangi áform fyrirtækisins Carbfix um umfangsmikla niðurdælingu koltvísýrings við Straumsvík eftir. Fjölmennur íbúafundur var í gærkvöld.

Sprungur eru komnar í steypta turna sem bera uppi brúna yfir Jökulsá á Fjöllum á þjóðvegi eitt og gera þarf við þá eða styrkja. Vegagerðin telur að mögulega hafi verið mistök að leyfa flutning á þungum krana yfir brúna í sumar

Bændur á Norðurlandi þurfa sumir að treysta á góðan heyfeng í nærsveitum. Kalskemmdir í túnum valda því að ekki eiga allir hey fyrir veturinn

Frumflutt

8. okt. 2024

Aðgengilegt til

Rennur ekki út

• 00:01:50 Ríkisstjórnarsamstarf rætt á fundi
• 00:04:17 Yazan komin með vernd
• 00:05:01 Segir geðheilbrigðiskerfið gallað
• 00:05:36 Geðheilbrigðisþjónusta bætt
• 00:06:17 Fyrsta opinbera heimsókn Höllu
• 00:08:26 Segir fleiri íbúa norður Ísrael þurfa að flýja
• 00:09:50 Afplánar á Vernd einu og hálfu ári eftir manndráp
• 00:11:36 Fellibylurinn Milton
• 00:11:57 Carbfix
• 00:13:15 Biden í Berlín
• 00:13:53 Vegagerðin um sprungnar brýr
• 00:15:47 Nóbelsverðlaun í eðlisfræði
• 00:16:21 Bændur þurfa að kaupa sér hey
• 00:18:03 Íþróttir

Útvarpsfréttir.