Hádegisfréttir

Hádegisfréttir 4. október 2024

Til greina kemur að Ísland hætti að veita flóttamönnum frá Úkraínu sjálfkrafa vernd á Íslandi og fylgi þar með fordæmi Norðmanna. Þetta segir dómsmálaráðherra.

Ísraelsmenn hafa haldið áfram árásum í Beirút og lokað aðalflóttaleiðinni til Sýrlands. Khamenei erkiklerkur í Íran segir eldflaugaárásirnar á Ísrael lágmarksrefsingu og heitir því að halda baráttunni áfram.

Þjóðgarðsvörður á Hornafirði brýnir fyrir íshellafyrirtækjum að fara eftir reglum þjóðgarðsins. Leiðsögumenn séu of oft staðnir að því að brjóta reglur um öryggisbúnað. Þjóðgarðurinn hefur kært til lögreglu aðfarir við að bræða og saga jökulinn til að breyta íshellum.

Dregist hefur að taka skýrslur í Samherjamálinu vegna vandkvæða við að ná í fólk. Rannsóknin er þó langt komin.

Tollar á kínverska rafbíla snarhækka í Evrópu. Þetta samþykkti meirihluti Evrópusambandsríkja í morgun.

Landsfundur Vinstri grænna hefst í dag með opnunarávarpi fráfarandi formanns. Nýr formaður verður kjörinn á morgun og enn hefur Svandís Svavarsdóttir ein gefið kost á sér.

September hefur ekki verið eins kaldur á landsvísu frá árinu 2005. Í samantekt Veðurstofu Íslands segir að meðalhiti í Reykjavík hafi verið 6,9 stig og á Akureyri 5,6 stig.

Forsetaframbjóðendurnir í Bandaríkjunum reyna hvað þeir geta til að ná hylli kjósenda í sveifluríkjunum. Kamala Harris leggur áherslu á umræðu um þungunarrof en Donald Trump sakar demókrata enn um kosningasvindl fyrir fjórum árum.

Frumflutt

4. okt. 2024

Aðgengilegt til

Rennur ekki út

• 00:01:47 Norska leiðin varðandi flóttamenn frá Úkraínu
• 00:03:27 Khamenei heitir áframhaldandi baráttu við Ísrael
• 00:05:37 14 drepnir í Gaza
• 00:05:59 Ýmsar brotalamir í íshellaferðum
• 00:08:08 Lögregla lýsir enn eftir ökumönnum
• 00:08:32 Meirihluti ESB samþykkir aukatolla
• 00:09:26 Rannsókn á Samherjamáli langt komin
• 00:10:40 Samherjamál
• 00:11:20 Landsfundur VG
• 00:12:14 Óvenjukaldur september að baki
• 00:13:35 14 látnir eftir flóð í Bosníu
• 00:14:13 Strandveiðin og önnur veiði
• 00:15:23 Veiðitímabil rjúpu
• 00:16:15 Forsetaframbjóðendur í sveifluríkjum
• 00:17:39 Rannsókn hætt á mútugreiðslum
• 00:18:16 Íþróttir
• 00:20:05 Veður
• 00:20:31 Seinni helst

Útvarpsfréttir.