Hádegisfréttir

Hádegisfréttir 2. október 2024

Átök hafa brotist út milli landhers Ísraelsmanna og Hezbollah-samtakanna í suðurhluta Líbanon. Ísraelsmenn hafa bannað framkvæmdastjóra Sameinuðu þjóðanna að koma til Ísraels þar sem hann hafi ekki fordæmt árás Írana á Ísrael í gær.

Vaxtalækkun Seðlabankans í morgun, um núll komma tuttugu og fimm prósentur, er tekin í trausti þess að meira jafnvægi sé að komast á í íslensku efnahagslífi, segir seðlabankastjóri. Forseti ASÍ fagnar lækkuninni og segir eðlilegt að stíga varlega til jarðar.

Samdráttur varð í losun gróðurhúsalofttegunda milli ára. Sérfræðingur hjá Umhverfisstofnun segir Ísland á réttri leið en enn sé langt í land ætli stjórnvöld að ná markmiðum sínum.

Bretar vilja meira samstarf við Evrópusambandið, til dæmis á sviði öryggismála en eru tregir til að rýmka reglur um dvalarleyfi. Forsætisráðherra Bretlands kemur til Brussel í dag.

Þingmaður Sjálfstæðisflokks segir verulega reyna á langlundargeð stjórnarflokkanna og spyr hvort ástæða sé að bíða til vors með alþingiskosningar.

Kappræður varaforsetaefnanna í Bandaríkjunum í gærkvöld voru að mestu yfirvegaðar. Flestum þótti varaforsetaefni Repúblikana standa sig betur.

Jólin eru komin í Venesúela að fyrirskipun forseta landsins. Jólagleðin virðist þó víðs fjarri.

Frumflutt

2. okt. 2024

Aðgengilegt til

Rennur ekki út

• 00:01:40 Átök í Líbanon
• 00:04:00 Stýrivextir lækkaðir
• 00:05:51 Viðbrögð við stýrivaxtalækkun
• 00:07:58 Losun gróðurhúsalofttegunda 2023
• 00:09:43 Kosningavetur framundan
• 00:11:37 Keir Starmer kemur til Brussel
• 00:13:32 Paul Watson og gæsluvarðhaldið
• 00:14:11 Yfirvegaðar kappræður varaforsetaefna
• 00:16:29 Claudia Sheinbaum orðin forseti
• 00:16:44 Jólin í Venesúela
• 00:18:13 Íþróttir
• 00:20:23 Veður
• 00:20:48 Seinni helst

Útvarpsfréttir.