Hádegisfréttir

Hádegisfréttir 30. september 2024

Ísraelsmenn gerðu árás á miðborg Beirút í morgun, í fyrsta sinn í 18 ár. Þrír úr frelsishreyfingu Palestínu voru drepnir í árásinni. Yfir 700 hafa látið lífið í árásum Ísraels á Líbanon undanfarna viku og yfirvöld þar óttast að yfir milljón missi heimili sín.

Bakgrunnur og félagsleg staða hefur meiri áhrif en áður á námsgetu barna. Þetta kom fram á Menntaþingi í dag. Færri kennaramenntaðir skila sér í kennslu í grunnskólum en fjölgar sem millistjórnendum.

Viðskiptastríð gæti verið í uppsiglingu milli Evrópusambandsins og Kína fari svo að tollar verði settir á kínverska rafmagnsbíla sem fluttir eru til Evrópu. Ákvörðun um þetta verður að líkindum tekin í Brussel á föstudag.

Efling ætlar að boða til verkfallsaðgerða ef ekki nást samningar við Samtök fyrirtækja í velferðarþjónustu í dag. Helsta krafa Eflingar er að mönnunarvandi á hjúkrunarheimilum verði leystur.

Leit að heitu vatni í Skagafirði hefur loks borið árangur. Þar hefur fundist heitt vatn sem dugir fyrir um fimm hundruð heimili og verður tengt inn í hitaveitu fyrir veturinn.

Ferðaþjónustufyrirtæki á Hornafirði verða af tekjum ef engar íshellaferðir verði leyfðar í október vegna banaslyss sem varð í sumar. Ferðamenn eiga pantaðar ferðir frá og með morgundeginum.

Frumflutt

30. sept. 2024

Aðgengilegt til

Rennur ekki út

• 00:01:31 Líbanon og árásir
• 00:04:45 Ásmundur Einar á menntaþingi
• 00:07:09 Kona á fertugsaldri lést
• 00:07:35 Efling íhugar aðgerðir
• 00:08:19 ESB vill tolla á kínverska rafbíla
• 00:09:50 Rússar gera árásir á Kyiv
• 00:10:32 Þurfa ekki að skerða heitt vatn í vetur
• 00:12:02 Biðlistar í Bjarkarhlíð
• 00:13:54 Jarðskjálfti í Mýrdalsjökli
• 00:14:31 Íshellatími byrjar kannski á morgun
• 00:16:41 Rektor HÍ vill viðveru í Brussel
• 00:17:30 Kris Kristofferson látinn
• 00:18:39 Íþróttir
• 00:20:27 Veður
• 00:20:52 Seinni helst

Útvarpsfréttir.