Aðgerðum Eflingar vegna vanskila eigenda veitingastaðarins Ítalíu lýkur ekki fyrr en þeir hafa gert upp við starfsfólkið, segir formaður félagsins.
Engin viðbrögð hafi komið frá eigendum veitingastaðarins.
Íslenska heilbrigðiskerfið er afkastamikið við greiningar á ADHD, segir heilbrigðisráðherra. Það geti skýrt mikinn mun á lyfjanotkun hér og í nágrannalöndunum. Gerð grænbókar um notkun lyfjanna er að ljúka.
Rússar hafa vísað sex starfsmönnum breska sendiráðsins í Moskvu úr landi vegna gruns um njósnir. Breska utanríkisráðuneytið segir þetta tilhæfulausar ásakanir.
Umhverfissamtökin Náttúrugrið hafa kært vinduorkuver í Búrfellslundi til úrskurðarnefndar. Þau telja áhrif þess á ferðamennsku óásættanleg.
Forstöðumaður á meðferðarheimilinu Lækjarbakka segir að fólk virðist ekki vilja hafa meðferðarúrræði fyrir ungmenni nálægt sér. Hún leitar logandi ljósi að húsnæði undir starfsemina.
Grænlenskt hafrannsóknaskip hefur rekist á loðnu á Grænlandssundi. Árni Friðriksson er lagður af stað til leitar.
Fólk í smalamennsku á Norðurlandi er varað við snjóflóðahættu og hvatt til að forðast brattar og snæviþaktar hlíðar. Hætta er á að gangnafólk geti sjálft sett af stað snjó- flóð.
Utanríkisráðherra segir að gott samkomulag hafi náðst um mikilvæg atriði, sem skipta hagsmuni Íslands máli, á fundi með varautanríkisráðherra Bandaríkjanna í morgun.
