Hádegisfréttir

Hádegisfréttir 26. ágúst 2024

Tveggja erlendra ferðamanna er enn leitað á Breiðamerkurjökli eftir að ís hrundi yfir ferðamenn í gær. Einn er látinn og annar liggur alvarlega slasaður á spítala. Tugir björgunarmanna eru á vettvangi.

Strangari löggjöf þarf um íshella- og jöklaferðir segir varaformaður Félags fjallaleiðsögumanna. Félagið harmar slysið í Breiðamerkurjökli og kallar eftir rannsókn. Slysið verður rætt á ríkisstjórnarfundi á morgun.

Ung stúlka sem varð fyrir stunguárás í miðborg Reykjavíkur um helgina er enn þungt haldin. Sextán ára piltur var úrskurðaður í gæsluvarðhald í gærkvöld, grunaður um að hafa stungið stúlkuna og tvö önnur ungmenni.

Hundrað eldflaugum og jafnmörgum drónum var skotið á fimmtán svæði í Úkraínu í nótt og í morgun. Úkraínuforseti biður vinaþjóðir um leyfi til að nota langdræg vopn í baráttunni við Rússa.

Fjöldi fólks var á Reykjanesskaga í morgun til að virða fyrir sér eldgosið sem hófst á fimmtudag. Enn gýs þar talsvert, þótt heldur hafi dregið úr síðustu daga.

Viðræðum um vopnahlé á Gaza lauk í gærkvöld án samkomulags.

Íbúar á Borgarfirði eystra eru beðnir að sjóða neysluvatn. Vatnið er mengað af saurgerlum og E.coli gerlum.

Armand Duplantis bætti í gær sitt eigið heimsmet í stangarstökki á móti í Póllandi. Þetta er í tíunda skiptið sem Svíinn bætir heimsmetið í greininni.

Frumflutt

26. ágúst 2024

Aðgengilegt til

Rennur ekki út

• 00:01:36 Leit í Breiðamerkurjökli
• 00:05:12 Varaformaður Félags fjallaleiðsögumanna
• 00:06:59 Ríkisstjórnin og Ferðamálastofa
• 00:07:16 Stúlkan enn í lífshættu
• 00:07:46 Scholz vill herða löggjöf um hnífaburð
• 00:08:37 Árásir Rússa á Úkraínu
• 00:10:59 Morðið í Neskaupstað
• 00:12:08 Gosstöðvar
• 00:14:45 Stríðið á Gaza
• 00:16:13 Skriðuhættan fyrir norðan
• 00:16:45 Sjóða neysluvatn á Borgarfirði eystra
• 00:17:51 Sven Göran Eriksson látinn
• 00:18:28 Íþróttir
• 00:20:27 Veður
• 00:20:49 Seinni helst

Útvarpsfréttir.