Hádegisfréttir

Hádegisfréttir 18. ágúst 2024

Kollagenvinnsla í Grindavík hefur sagt upp öllu starfsfólki sínu. Framkvæmdastjórinn segir óvissu koma í veg fyrir flutninga vinnslunnar í nýtt húsnæði.

Úkraínuher hefur eyðilagt tvær brýr á nokkrum dögum í Kursk-héraði í Rússlandi til að hefta birgðaflutninga Rússa. Þeir svöruðu áhlaupi Úkraínuhers með árásum á höfuðborgina Kyiv í morgun.

Óljóst er hvers vegna viðræður um endurreisn Skagans 3X á Akranesi runnu út í sandinn, segir fyrrverandi verkstjóri hjá fyrirtækinu. Bæjarbúar vilji skýr svör um hvað stóð í veginum fyrir því að fyrirtækið héldi áfram starfsemi.

Töluverð snjókoma er til fjalla víða á Norðurlandi. Afar óvenjulegt er að svo mikið snjói í fjöll á þessum árstíma. Bóndi í Skagafirði hefur áhyggjur af heyskap og man varla verra sumar.

Flokksráðsfundur Vinstri Grænna fordæmir ákvörðun Bjarna Benediktssonar þáverandi utanríkisráðherra um að frysta fjárframlög til Flóttamannaaðstoðarinnar í Palestínu. Með henni hafi ráðherrann stutt atlögu Ísraelsríkis að mannúðaraðstoð á Gaza.

Donald Trump heitir því að lækka verðlag verði hann næsti forseti Bandaríkjanna. Á kosningafundi í gær hæddist hann að útliti og hlátri Kamölu Harris.

Bæjaryfirvöld í Reykjanesbæ ætla að bjóða þeim höfuðborgarbúum sem fá ekkert heitt vatn næstu daga frítt í sund. Það er að undirlagi bæjarbúa sem vilja launa greiða frá því í vetur.

Frumflutt

18. ágúst 2024

Aðgengilegt til

Rennur ekki út

• 00:00:00 Helst
• 00:01:48 Starfsfólki M.Collagen sagt upp
• 00:03:19 Sprengja aðra brú í Kursk
• 00:04:38 Starfsmaður Skagans 3X
• 00:06:39 Blinken og vopnahlésviðræður
• 00:07:30 VG fordæmir forsætisráðherra
• 00:08:54 Snjór á norðurlandi
• 00:10:42 Eþíópía virði ekki fullveldi Sómalíu
• 00:12:10 Líkamsárás í miðborginni
• 00:12:39 Trump hæðist að Harris
• 00:14:23 Reykjanesbær býður frítt í sund
• 00:16:02 Íþróttir

Útvarpsfréttir.