Hádegisfréttir

Hádegisfréttir 1. ágúst 2024

Halla Tómasdóttir verður sett í embætti forseta Íslands í dag. Hún er sjöundi forseti lýðveldisins.

Ferðamálaráðherra segir umræðu um samdrátt í straumi ferðamanna til landsins ekki koma á óvart. Heildstæða neytendamarkaðssetningu þurfi allan ársins hring.

Herforingi og einn stofnenda hernaðararms Hamas er sagður hafa verið felldur í árás Ísraelshers um miðjan síðasta mánuð.

Það verður rigning í öllum landshlutum um verslunarmannahelgina en mildast fyrir vestan. Mjög hvasst verður í Eyjum á laugardag.

Þriðjungur Grindvíkinga hefur flutt lögheimili sitt úr bænum frá því að jarðhræringar hófust í nóvember. Fáir kjósa að dvelja í bænum að sögn lögreglustjórans á Suðurnesjum.

Donald Trump fullyrti í gær að Kamala Harris hafi ekki sagst vera svört fyrr en fyrir nokkrum árum. Fram að því hafi hann aðeins vitað að hún væri af indverskum uppruna.

Þýðandi í samskiptateymi Landsbankans segir það sjálfsagt mál að birta skýrslur og fjárhagsupplýsingar frá bankanum á mörgum tungumálum. Íslenskan sé þó alltaf í öndvegi.

Þriðjungi færri bílar voru nýskráðir í júlí í ár en í fyrra. Hlutfall rafbíla hefur aukist á ný eftir dýfu fyrr á árinu.

Frumflutt

1. ágúst 2024

Aðgengilegt til

Rennur ekki út

• 00:01:25 Embættistaka forseta Íslands
• 00:03:36 Íslandsstofa um áhuga á Íslandi
• 00:06:02 Deif ráðinn af dögum á Gaza
• 00:08:03 Allt rólegt í Svartsengi
• 00:08:20 30% færri í Grindavík
• 00:10:02 Verðbólga jókst meira en vonir stóðu til
• 00:10:31 Samdráttur í nýskráningum bíla
• 00:11:32 Englandsbanki lækkar stýrivexti
• 00:11:58 Trump vissi ekki að Harris væri svört
• 00:13:39 Þýðandi Landsbankans
• 00:15:25 Verslunarmannahelgin
• 00:17:55 Íþróttir
• 00:19:57 Veður
• 00:20:24 Seinna helst

Útvarpsfréttir.