Hádegisfréttir

Hádegisfréttir 30.júlí 2024

Vararíkissaksóknari segist ekki hafa gengið of langt í ummælum sínum um hælisleitendur. Hann gagnrýnir ákvörðun ríkissaksóknara sem hefur óskað eftir að honum verði vikið úr starfi og segir það fráleitt.

Auknar líkur eru á eldgosi á Reykjanesskaga á næstu dögum að mati vísindamanna. Skjálftavirkni eykst jafnt og þétt og um leið hægist á landrisi.

Þriðja barnið hefur látist af sárum sínum eftir grimmilega stunguárás í Southport á Englandi í gær. Fimm börn og tveir fullorðnir eru enn í lífshættu.

Minnst tveir eru látnir og tugir hafa verið handteknir í mótmælum gegn Nicolas Maduro forseta Venesúela sem er sakaður um kosningasvindl. Sumir mótmælendur gengu marga kílómetra úr fátækrahverfum og fjallaþorpum.

Oddvitinn í Skaftárhreppi segir mikilvægt að tryggja varaleið þegar hringvegurinn lokast eins og gerðist á laugardag. Eina varaleiðin, Fjallabaksleið nyrðri, er illfær flestum bílum á sumrin.

Fjörutíu og átta sjálfboðaliðar á öllum aldri tóku þátt í Selatalningunni miklu á Norðvesturlandi um helgina. Samkvæmt heildarmati frá 2020 er selastofninn á válista.

Ólafsvaka varð til þess að lífi grindhvalavöðu var þyrmt í Færeyjum í gær. Íbúar voru uppteknir við að skemmta sér og enginn tími til veiða.

Blóðbankinn biður fólk að gefa blóð í aðdraganda verslunarmannahelgarinnar. Sjúklingar sem þurfa blóð fara ekki í sumarfrí, segir deildarstjóri í bankanum.

Frumflutt

30. júlí 2024

Aðgengilegt til

Rennur ekki út

• 00:01:48 Ríkissaksóknari um brottvikningu
• 00:03:33 Helgi Magnús svarar ríkissaksóknara
• 00:04:59 Mikil sorg á Englandi
• 00:07:07 Yfirlýsing ríkissaksóknara
• 00:07:41 Staðan á Reykjanesskaga
• 00:08:42 Mótmæli í Venesúela
• 00:10:42 Staðan á Skálm
• 00:12:21 Augljós fækkun sela við talningu
• 00:14:14 Blóðbankinn
• 00:15:44 Grindhvalir á Ólafsvöku
• 00:17:32 Íþróttir

Útvarpsfréttir.