Hádegisfréttir

Hádegisfréttir 8. júlí 2024

Hluthafar Kjarnafæðis Norðlenska, stærsta kjötvinnslufyrirtækis landsins, hafa samþykkt tilboð Kaupfélags Skagfirðinga um kaup á fyrirtækinu. Framkvæmdastjóri félags atvinnurekenda segir sameininguna fyrirséða eftir lagabreytingar í vor.

Minnst 24 manns eru látnir eftir skæðar eldflaugaárásir Rússa víða í Úkraínu. Fæðingar,- krabbameins- og gjörgæsludeildir barnasjúkrahúss í Kænugarði eru í rúst.

40 starfsmenn Skagans 3X hafa skráð sig í atvinnuleit. Vilhjálmur Birgisson, formaður verkalýðsfélags Akraness, segir næstu daga leiða umfang gjaldþrotsins í ljós.

Frakklandsforseti hefur beðið forsætisráðherra landsins um að sitja í embætti þar til ný ríkisstjórn hefur verið mynduð. Enginn flokkur eða flokkabandalag hlaut meirihluta í seinni umferð þingkosninga í gær.

Hitamet á heimsvísu hafa verið slegin 13 mánuði í röð. Loftslagsstofnun Evrópu segir vísibendingar um að 2024 verði heitasta ár sögunnar.

Ísland er efst á Heimsmeistarmóti öldungasveita í skák í Póllandi þegar sex af níu umferðum er lokið. Fimm gamalreyndir stórmeistarar skipa íslenska liðið.

Fimm Íslendingar taka þátt á Ólympíuleikunum í París sem hefjast í júlí. Keppendum Íslands fjölgar um einn milli Ólympíuleika.

Frumflutt

8. júlí 2024

Aðgengilegt til

Rennur ekki út

• 00:01:27 KS kaupir Kjarnafæði
• 00:03:57 Þórarinn Ingi um lagabreytingu og sölu
• 00:05:45 Ólafur Stephensen um kaupin
• 00:08:00 Tugir létust í árásum Rússa
• 00:09:38 Framhald Skagans 3X
• 00:11:22 Óvissa í frönskum stjórnmálum
• 00:14:08 Heitasti júní frá upphafi mælinga
• 00:15:26 Gufubaðið í Sundhöllinni
• 00:16:53 Íslenska skáksveitin efst á HM
• 00:18:35 Íþróttir
• 00:20:46 Veður
• 00:21:07 Seinni helst

Útvarpsfréttir.