Miðflokkurinn leggur fram vantrauststillögu á matvælaráðherra á eftir. Þingfundur hefst klukkan hálf tvö.
Fyrirtæki sem á rútu sem endaði utanvegar á Öxnadalsheiði fyrir helgi starfar ekki að lögum, að mati Samtaka ferðaþjónustunnar. Þau hafa árum saman kallað eftir betra eftirliti með erlendum rútum.
Ísraelsher hefur nánast þurrkað út heilu stórfjölskyldurnar á Gaza. Fjölmörg dæmi eru um að tugir úr sömu fjölskyldu hafi verið drepnir. Þetta kemur fram í nýrri rannsókn sem birt var í morgun.
Forstjóri Umhverfisstofnunar segist ekki hafa neinar heimildir til þess að hafa eftirlit með Running Tide. Hún segir þörf á nýrri löggjöf um loftslagsfyrirtæki.
Þær verslanir Kringlunnar sem urðu fyrir mestu tjóni í brunanum á laugardag verða ekki opnaðar á næstunni.
Pútín Rússlandsforseti er á leið í sína fyrstu heimsókn til Norður-Kóreu í tæplega aldarfjórðung. Stríðið í Úkraínu verður efst á baugi á fundi hans með Kim Jong Un.
Gjaldtaka á bílastæðum við innanlandsflugvelli er við það að hefjast. Fjármálaráðherra mælist til þess við ISAVIA að þeir sem þurfi að skjótast í bæinn til læknis þurfi ekki að borga.
Undirbúningur er hafinn á bólusetningu gegn rótaveirusýkingu hjá börnum. Veiran veldur bráðum garnasýkingum hjá börnum.
Íbúar í Mosfellsdal voru langþreyttir á hraðakstri og máðum merkingum á Þingvallavegi. Hópur þeirra tók sig til og málaði merkingar í skærum litum.
Þrír Íslendingar syntu í undanrásum á Evrópumeistaramótinu í sundi í morgun. Enginn þeirra komst áfram í undanúrslit.
