Hádegisfréttir

Hádegisfréttir 23. maí 2024

Nemandi við Oslóarháskóla, sem stakk íslenskan kennara í fyrrahaust, hefur verið ákærður fyrir morðtilraun.

Minnst sex eru látin eftir eldflaugaárás Rússa á úkraínsku borgina Kharkiv í morgun. Vaxandi þungi er í sókn Rússa í norðausturhluta Úkraínu, þar sem um fjórtán þúsund manns hafa flúið heimkynni sín. Bandaríkjamenn íhuga að aflétta banni við að vopn frá þeim séu notuð gegn skotmörkum í Rússlandi.

Mikil eftirspurn er eftir húsnæði, bæði til kaups og leigu, fleiri íbúðir seljast á yfirverði og leiga hækkar. Innkoma Grindvíkinga á markaðinn hefur áhrif segir hagfræðingur.

Lögreglan í Hafnarfirði leitar enn manns sem réðst á tólf ára stúlku í við Víðistaðaskóla í gær og biðlar til fólks að láta vita af grunsamlegum mannaferðum.

Landris heldur áfram og skjálftavirkni sömuleiðis á Reykjanesskaga. Ekkert bendir sérstaklega til þess að gos sé í vændum þrátt fyrir að 17 milljón rúmmetrar af kviku hafi safnast fyrir í kvikugeyminum undir Svartsengi.

Það er að duga eða drepast fyrir forsætisráðherra Bretlands í komandi kosningum. Niðurstöðurnar gætu ráðið úrslitum um pólitíska framtíð hans. Snörp kosningabarátta hófst í dag með hvelli.

ISAVIA ætlar að rukka bíleigendur sem leggja lengur en í fimm klukkustundir við flugvellina í Reykjavík, á Akureyri og Egilsstöðum og hefst gjaldtakan á næstu dögum. Oddviti Miðflokksins í Múlaþingi segist frekar verða settur í járn en að borga gjaldið sem auki enn frekar ferðakostnað þeirra sem þurfa að sækja þjónustu til Reykjavíkur.

Frumflutt

23. maí 2024

Aðgengilegt til

Rennur ekki út

• 00:01:40 Nemandinn ákærður fyrir morðtilraun
• 00:03:16 Úkraína
• 00:05:11 Manndrápsmál á Kiðjabergi
• 00:05:42 Er gos í vændum?
• 00:07:18 Maður ófundinn
• 00:07:53 Húsnæðismarkaðurinn
• 00:09:46 Nýr meirihluti í Árborg
• 00:10:28 Baráttan í Bretlandi af stað með hvelli
• 00:12:39 Frelsisvipting á Suðurlandi
• 00:13:16 Heræfingar Kína við Taívan
• 00:14:30 Halla T talin standa sig best
• 00:16:00 Bílastæðgjaldaauglýsing vekur reiði
• 00:18:22 Íþróttir
• 00:20:25 Veður
• 00:20:48 Seinni helst

Útvarpsfréttir.