Hádegisfréttir

Hádegisfréttir 22. maí 2024

Noregur, Írland og Spánn viðurkenna sjálfstæði Palestínu. Forsætisráðherrar ríkjanna tilkynntu þetta hver fyrir sig í morgun. Þar með fjölgar ríkjum í Vestur-Evrópu, sem viðurkenna sjálfstæði Palestínu, úr tveimur í fimm. Búist er við að nokkur Evrópuríki fylgi í kjölfarið.

Fresta þarf kosningum Íslendinga utan kjörfundar á Gran Canaria. Hluta kjörgagna var stolið, að sögn skipuleggjenda utankjörfundaratkvæðagreiðslunnar.

Eldur logar í skrifstofubyggingu danska lyfjarisans Novo Nordisk í útjaðri Kaupmannahafnar. Mikinn reyk leggur yfir nærliggjandi hverfi.

Alþjóðagjaldeyrissjóðurinn leggur til að kolefnisgjald á landbúnað og sjávarútveg verði hækkað.

Framkvæmdir við ofanflóðavarnir á þéttbýlsstöðum þar sem hættan er talin mest, hafa tafist um meira en áratug og aðeins hluti af ofanflóðagjaldi skilar sér í ofanflóðasjóð. Þetta kemur fram í hraðútekt Ríkisendurskoðurnar.

Ástandið á lundastofninum í ár er afar misjafnt milli landshluta. Sem fyrr er lundinn einna best haldinn á Norður- og Austurlandi og ástand stofnsins er viðkvæmast við suðurströndina.

Landsliðsþjálfari karla í fótbolta valdi í dag leikmannahópinn fyrir tvo vináttuleiki íslenska landsliðsins í júní. Albert Guðmundsson er ekki í hópnum.

Frumflutt

22. maí 2024

Aðgengilegt til

Rennur ekki út

• 00:01:30 Þrjú ríki viðurkenna sjálfstæði Palestínu
• 00:04:05 ESB og Palestína
• 00:05:49 AGS metur horfur á Íslandi ágætar
• 00:07:47 Stórbruni hjá Novo Nordisk
• 00:09:16 Íslendingurinn í vél Singapore Airlines
• 00:09:40 Ofanflóðasjóður
• 00:11:38 Einum sleppt úr haldi
• 00:12:26 Kosningar á Kanarí
• 00:14:16 4 ára fangelsi fyrir líkamsárás
• 00:14:45 Hvalveiðar skýrsla komin til ráðuneytis
• 00:15:12 Rannsaka andlát Matthews Perry
• 00:16:19 Misgott ástand á lundanum
• 00:18:07 Íþróttir
• 00:20:12 Veður
• 00:20:34 Seinni helst

Útvarpsfréttir.