Hádegisfréttir

Hádegisfréttir 25. apríl 2024

Framkvæmdastjóri Landverndar segir frumvarp matvælaráðherra um lagareldi ekki mega verða að lögum. Náttúruverndar- og dýravelferðarsjónarmið séu ekki höfð í heiðri. Firðirnir séu auðlind þjóðarinnar sem eigi að passa, en ekki úthluta einkaaðilum endurgjaldslaust.

Bandaríkjastjórn krefst svara frá ísraelskum stjórnvöldum vegna fjöldagrafa sem hafa fundist við sjúkrahús á Gaza. Fleiri en hundrað voru handtekin í mótmælum stúdenta gegn stríðinu á Gaza víðs vegar um Bandaríkin í gær.

Framboðsfrestur til embættis forseta Íslands rennur út á hádegi á morgun. Níu hafa safnað tilskildum fjölda meðmæla að eigin sögn og enn gæti bæst í hópinn. Landskjörstjórn tekur við framboðunum á morgun.

Forsætisráðherra Spánar íhugar að hætta í stjórnmálum, eftir að dómari ákvað að hefja rannsókn á meintu spillingarmáli sem tengist eiginkonu hans. Ásökunin kemur frá þekktum öfgasamtökum á hægri væng stjórnmálanna á Spáni

Veðrinu á sumardaginn fyrsta er misskipt eftir landshlutum. Í blíðunni á Suðvesturhorninu hefja margir sumarið með tiltekt og garðvinnu og leggja leið sína í Sorpu.

Það skýrist í dag hvaða lið verða í 16-liða úrslitum bikarkeppni karla í fótbolta. Umferðinni lýkur með leik Keflavíkur og Breiðabliks í kvöld.

Frumflutt

25. apríl 2024

Aðgengilegt til

Rennur ekki út

• 00:01:25 Landvernd um lagareldi
• 00:03:35 Háskólamótmæli vegna Gaza
• 00:05:58 Forsetaframboðum skilað á morgun
• 00:07:53 Sanchez íhugar að hætta
• 00:09:31 Hnífaárás í Noregi
• 00:10:06 Spaðar Moulin Rouge hrundu
• 00:10:37 Sumardagurinn fyrsti
• 00:12:02 Sorpa á sumardaginn fyrsta
• 00:14:01 Heimsmetið í Hlíðarfjalli gildir ekki
• 00:14:29 Íþróttir
• 00:16:33 Veður
• 00:16:55 Seinni helst

Útvarpsfréttir.