Hádegisfréttir

Hádegisfréttir 24. apríl 2024

Móðir sem er ákærð fyrir að bana sex ára syni sínum í Kópavogi í febrúar hefur einnig verið ákærð fyrir tilraun til að bana eldri syni sínum. Gæsluvarðhald yfir henni var framlengt í gær.

Aðalhagfræðingur Íslandsbanka segir að þrátt fyrir minnkandi verðbólgu sé veruleg óvissa um hvort Seðlabankinn lækkar vexti í næsta mánuði. Verðbólga hefur ekki verið minni frá því í janúar 2022.

Íslenski náttúruverndarsjóðurinn telur frumvarp matvælaráðherra um lagareldi vinna gegn yfirlýstum markmiðum um aukna dýravelferð og náttúruvernd. Þetta séu svik. við áform sem voru kynnt þegar frumvarpið fór í samráðsferli.

Karl og kona eru í haldi lögreglu í Svíþjóð vegna gruns um að hafa ráðið tveimur börnum bana í Södertälje. Þau eru forráðamenn barnanna.

Formaður neytendasamtakanna segir að færa þurfi ábyrgð frá þeim sem taka smálán - yfir á fyrirtækin. Hann segir að skyndilán hafi verið stofnanavædd.

Hávær umræða um ofmeðhöndlun og ofgreiningu á ADHD bitnar á þeim sem bíða aðstoðar. Formaður ADHD-samtakanna segir að ekki megi hægja á greiningum því biðlistar séu langir.

Menntamálaráðuneytið skipar Fjarðabyggð að endurtaka samráðsferli vegna uppstokkunar í skólastjórnum. Sveitarfélagið vill meðal annars leggja niður nær allar stöður aðstoðarskólastjóra. Ráðuneytið telur þetta meiriháttar breytingu sem kalli á samráð við skólaráð og foreldaráð.

Frumflutt

24. apríl 2024

Aðgengilegt til

Rennur ekki út

• 00:01:34 Reyndi að bana eldri drengnum
• 00:02:45 Verðbólga minnkar í apríl
• 00:04:05 Gagnrýna lagareldisfrumvarp matvælaráðherra
• 00:06:03 Tvö börn myrt í Svíþjóð
• 00:07:11 Neytendasamtökin um smálán
• 00:09:13 ADHD samtökin um ofgreiningu
• 00:10:59 RAI sakað um ritskoðun
• 00:13:02 Gasmengun
• 00:13:32 Hvetja til bólusetninga
• 00:15:36 Fjarðabyggð hafði ekki nægt samráð
• 00:17:18 Tvö útköll slökkviliðs
• 00:17:43 Freixenet boðar fjöldauppsagnir
• 00:18:21 Íþróttir
• 00:20:17 Veður
• 00:20:37 Seinni helst

Útvarpsfréttir.