Hádegisfréttir

Hádegisfréttir 3. apríl 2024

Katrín Jakobsdóttir hefur rætt við formenn stjórnarflokkanna um mögulegt forsetaframboð. Hún segist íhuga alvarlega að bjóða sig fram og ætlar að greina frá ákvörðun sinni á allra næstu dögum.

Utanríkisráðherrar NATO-ríkjanna ræða tillögu um hundrað milljarða evra langtímastuðning við Úkraínu. Fundur ráðherranna hófst í Brussel í morgun. Athygli vekur að Bjarni Benediktsson er ekki á fundinum.

Níu eru látnir og hundrað er enn saknað eftir mikinn jarðskjálfta í Taívan. Íslendingar búsettir á eyjunni segja allt hafa leikið á reiðiskjálfi.

Sjúkrasjóður Félags hjúkrunarfræðinga er tómur og eigið fé hans neikvætt um tugi milljóna. Millifæra þarf úr öðrum sjóðum félagsins svo hann geti staðið við skuldbindingar.

Leikskóla í Reykjavík var lokað fyrir páska og hann hreinsaður hátt og lágt vegna sníkjudýrs sem getur valdið magakveisu.

Guðmundur Felix Grétarsson hefur bæst í hóp þeirra sem ætla í forsetaframboð.

Forseti Botsvana hótar að senda 20.000 fíla til Þýskalands vegna deilu um náttúru- og dýravernd. Þannig geti Þjóðverjar reynt á eigin skinni hvernig sambúð við dýrin gengur fyrir sig.

Íslenska kvennalandsliðið í handbolta getur farið langleiðina með að tryggja sér sæti á EM með sigri á Lúxemborg í dag.

Frumflutt

3. apríl 2024

Aðgengilegt til

Rennur ekki út

• 00:01:22 Katrín Jakobsdóttir um forsetaframboð
• 00:04:35 Utanríkisráðherrafundur NATO
• 00:08:23 Jarðskjálfti á Taívan
• 00:10:19 Drengur lést í Finnlandi í gær
• 00:10:39 Sjúkrasjóður hjúkrunarfræðinga tómur
• 00:12:07 Tusk segir árás reyna á samskipti við Ísrael
• 00:12:56 Leikskóla lokað vegna sníkjudýrs
• 00:15:07 Varasamar snjóflóðaaðstæður
• 00:15:27 Guðmundur Felix í framboð
• 00:15:53 Hækka frítekjumark námsmanna um 35%
• 00:16:26 Otti Rafn segir af sér formennsku
• 00:16:54 Hótar að senda fíla til Þýskalands
• 00:18:35 Íþróttir
• 00:20:28 Veður
• 00:20:54 Seinni helst

Útvarpsfréttir.