Evrópuríkin þurfa að gera það sem til þarf - svo Rússar sigri ekki í Úkraínu, segir Macron Frakklandsforseti. Hann hittir leiðtoga Þýskalands og Póllands í dag, til að ræða aðstoð við Úkraínu.
Þingmaður Sjálfstæðisflokks boðar lagafrumvarp um að íslenskupróf verði forsenda þess að fá leigubílaréttindi. Innviðaráðherra segir að skoða verði málið í stærra samhengi.
Forseti leiðtogaráðs ESB gagnrýnir hversu ólýðræðislegar forsetakosningar í Rússlandi eru - og óskar Pútín til hamingju með stórsigur fyrir fram. Kosningarnar hófust í morgun.
Gigtarlæknirinn Árni Tómas Ragnarsson varð fyrir árás á læknastofu sinni í vikunni. Tveir menn heimtuðu að hann falsaði vottorð.
Skerða gæti þurft velferðarþjónustu á Akureyri ef ekki tekst að fá fleira fólk í sumarafleysingar. Það vantar mjög fólk til að vinna með öldruðum og fötluðum.
Tveir jarðvísindamenn hafa reiknað út að jarðhræringum við Grindavík ljúki í sumar.
Minna en þriðjungur þjóðarinnar vill að Ísland taki þátt í lokakeppni Júróvisjon. Þetta sýna niðurstöður tveggja nýrra kannana.
Framlag ríkisins til listamannalauna tvöfaldast verði frumvarp menningar- og viðskiptaráðherra að lögum.
Landsliðshópurinn sem mætir Ísrael í næstu viku verður kynntur í dag.
Teknó-menning Berlínar hefur fengið sess á menningarminjaskrá UNESCO. Í hugum margra er tónlistin táknmynd frelsis undan oki kommúnisma.
