Hádegisfréttir

Hádegisfréttir 7. febrúar 2024

Seðlabankastjóri segir hagkerfið á réttri leið. Þó verði enn að halda stýrivöxtum óbreyttum, í 9,25 prósentum, því verðbólga sé of mikil og óvissa vegna ógerðra kjarasamninga og áhrifa jarðhræringa á ríkisfjármálin.

Tveggja er enn saknað eftir skipsskaða við Færeyjar í gærmorgun. Tveir íslenskir togarar aðstoðuðu við leit að mönnunum þangað til seint í gærkvöld.

Vopnahlé á Gaza kemur enn til greina, en utanríkisráðherra Bandaríkjanna viðurkenndi þó í gær að mikil vinna væri fyrir höndum. Fjórir mánuðir eru í dag frá árás Hamas á Ísrael.

Varaformaður í utanríkismálanefnd Alþingis segir vandræðalegt fyrir utanríkisráðherra að almennum borgurum hafi tekist að sækja fólk frá Gaza, en utanríkisþjónustunni hafi enn ekkert orðið ágengt.

Lögreglan í Kaupmannahöfn handtók í gær mann sem er grunaður um að hafa banað ungri konu fyrir þrjátíu og fjórum árum. Ný DNA-gögn komu lögreglu á sporið.

Stjórnarmyndunarviðræður í Hollandi eru í uppnámi, eftir að einn af fjórum flokkum dró sig út úr viðræðunum í gær. Áform hollenska harðlínumannsins Geert Wilders um að verða forsætisráðherra gætu orðið að engu.

Formanni Landverndar hugnast ekki áform um virkjun í friðlandinu í Vatnsfirði. Tryggja eigi forgangsorku fyrir fjarvarmaveitur og efla flutningskerfi áður en farið er í aukna orkuöflun.

Frumflutt

7. feb. 2024

Aðgengilegt til

Rennur ekki út

• 00:01:47 Stýrivextir óbreyttir hjá Seðlabankanum
• 00:03:49 Íslensk skip leituðu við Færeyjar
• 00:05:46 Vopnahlésviðræður þokast
• 00:07:37 Segir ríkisstjórn nýta neyð fólks í valdatafli
• 00:09:53 Flugumferðarstjórar semja
• 00:10:28 Morðmál í Kaupmannahöfn
• 00:12:16 Stjórnarmyndunarviðræður stopp í Hollandi
• 00:14:10 Svíar hætta NordStream rannsókn
• 00:14:49 Landvernd bregst við virkjunarmöguleika
• 00:16:54 Skerða opnun Stefánslaugar í Neskaupsstað
• 00:18:39 Íþróttir
• 00:20:39 Veður
• 00:21:01 Seinni helst

Útvarpsfréttir.