Hádegisfréttir

Hádegisfréttir 2. febrúar 2024

Dómsmálaráðherra telur mikilvægt að breyta lögum til að vernda börn betur fyrir stafrænum kynferðisbrotum.

Milligöngumenn telja líkur á að vopnahlé náist á Gaza á næstu vikum. Hléið stæði í sex vikur og fæli í sér að Hamas sleppti gíslum. Samningar eru ekki endanlega í höfn en mikil bjartsýni ríkir.

Eftir því sem fleiri kvikugangar myndast á umbrotasvæðinu við Grindavík verður erfiðara fyrir kviku að ferðast langar leiðir neðanjarðar. Þetta segir jarðeðlisfræðingur. Það sé því líklegast að eldgos komi upp um miðbik kvikugangsins.

Tölvuárás var gerð á Háskólann í Reykjavík í nótt og forstöðumaður netöryggissveitarinnar CERT-IS segir hana hafa mikil áhrif á starfsemi skólans.

Ríkissjóður hefur greitt tæpan hálfan milljarð króna í stuðning til greiðslu launa vegna hamfaranna í Grindavík á grundvelli laga sem voru samþykkt undir lok nóvember.

Áformum nýkjörins forseta Argentínu um stórfellda einkavæðingu ríkisfyrirtækja og breytingu á fjölda laga var harðlega mótmælt í Buenos Aires í gær. Lögregla skaut gúmmíkúlum á mótmælendur fyrir utan þinghús landsins.

Hríðarbylur gengur yfir landið suðvestanvert eftir hádegi og búast má við töluverðum samgöngutruflunum. Fjallvegir eru víða lokaðir og vegum á láglendi, til dæmis Reykjanesbraut, gæti þurft að loka með skömmum fyrirvara.

Frumflutt

2. feb. 2024

Aðgengilegt til

Rennur ekki út

• 00:01:44 Dómsmálaráðherra um mál Hæstaréttar
• 00:03:36 Bjartsýni um vopnahlé á Gaza
• 00:05:24 Netárás í Háskólanum í Reykjavík
• 00:06:50 Hálfur milljarður í launagreiðslur
• 00:08:37 Forsætisráðherra um Grindavík
• 00:10:12 Freysteinn í MÚ
• 00:12:16 Samninganefndir funda hjá Ríkissáttasemjara
• 00:12:48 Veðurfræðingur
• 00:14:30 Harðvítug mótmæli í Argentínu
• 00:16:22 Efla klíníska lyfjafræðiþjónustu á landsbyggðinni
• 00:17:51 Styttan af Friðriki
• 00:18:38 Íþróttir
• 00:20:31 Veður
• 00:20:57 Seinni helst

Útvarpsfréttir.