Hádegisfréttir

Hádegisfréttir 25. janúar 2024

Verkalýðsfélögin hafa slegið af kröfum sínum og nú er það Samtaka atvinnulífsins að bregðast við. Þetta segir formaður Eflingar. Óvíst er hvenær næsti fundur verður boðaður í kjaradeilu SA og verkalýðsfélaganna innan ASÍ.

Forystumenn Sjálfstæðisflokksins voru á Alþingi í morgun sakaðir um að stilla launafólki upp á móti Grindvíkingum og hleypa illu blóði í kjaraviðræðurnar.

Úkraínumenn hafa farið fram á alþjóðlega rannsókn á aðdraganda þess að rússnesk herflugvél fórst í gær. Rússar saka Úkraínumenn um að hafa skotið vélina niður með 65 úkraínska fanga innanborðs.

Sunnanstormur gekk yfir landið í nótt og morgun en veður er víðast hvar gengið niður. Ofanflóðahætta er enn töluverð en minnkar þegar líður á daginn og frystir.

Mótmælendur létu rok og rigningu ekki á sig fá og sátu úti undir berum himni á Austurvelli í miðborginni í nótt.

Ekki hefur komið til þess að aldraðir einstaklingar á Landspítala hafi verið fluttir á hjúkrunarheimili á landsbyggðinni. 30 af ríflega 100 sem voru í biðstöðu á spítalanum hafa fengið pláss á höfuðborgarsvæðinu.

Umhverfisráðherra segir grafalvarlegt hve algengt er að stjórnvöld gangi lengra í löggjöf en þær lágmarkskröfur sem gerðar eru í Evróputilskipunum. Formaður ungra umhverfissinna segir óþarflega dökka mynd dregna upp.

Heilbrigðisyfirvöld í Suður-Kóreu hafa varað fólk við að djúpsteikja og borða tannstöngla.

Frumflutt

25. jan. 2024

Aðgengilegt til

Rennur ekki út

• 00:01:42 Fjármálaráðherra gagnrýndur á Alþingi
• 00:03:42 Kjaraviðræður
• 00:06:02 Farið fram á rannsókn á hrapi herflugvélar
• 00:08:17 Ofanflóð, veður og Landsbjörg
• 00:10:26 Aldraðir ekki fluttir út á land ennþá
• 00:12:18 Gullhúðun hjá umhverfisráðuneytinu
• 00:14:24 Stúdentar óska eftir samtali
• 00:15:52 Mótmælendur undir berum himni
• 00:17:46 Varað við tannstönglaáti
• 00:19:10 Íþróttir
• 00:21:10 Veður
• 00:21:21 Seinni helst

Útvarpsfréttir.