Hádegisfréttir

Hádegisfréttir 22. desember 2023

Skýrt landris er hafið undir Svartsengi á Reykjanesskaga samkvæmt gögnum sem Jarðvísindastofnun og Veðurstofan hafa rýnt í síðustu daga. Líklegt er að landrisið haldi áfram í einhvern tíma að sögn jarðeðlisfræðings. Veðurstofan og almannavarnir fara yfir stöðu mála á fundi á eftir.

Lögreglan í Prag telur að maður sem varð þrettán að bana í gær hafi drepið ungan mann og tveggja mánaða dóttur hans fyrr í mánuðinum. Lögregla rannsakar hvað manninum gekk til með árásinni sem er sú alvarlegasta í sögu Tékklands.

Skapa má nýja þjóðarsátt, sagði formaður Starfsgreinasambandsins fyrir fyrsta fund Samtaka atvinnulífsins með breiðfylkingu verkalýðshreyfingarinnar í morgun. Samstaða hennar er mikill kostur segir framkvæmdastjóri Samtaka atvinnulífsins.

Íslenska ríkið mátti ekki lækka laun dómara og krefjast endurgreiðslu. Dómur Hæstaréttar var kveðinn upp skömmu fyrir hádegi.

Margir vildu kaupa TM af Kviku og hefur verið ákveðið að hefja frekari viðræður við fjóra aðila.

Búist er við að öryggisráð Sameinuðu þjóðanna greiði atkvæði í dag um ályktunartillögu vegna stöðunnar á Gaza. Deilt er um hvort þar eigi að minnast á vopnahlé.

Skíðavertíðin hefst formlega í dag þegar stærstu skíðasvæði landsins verða opnuð í Bláfjöllum og Hlíðarfjalli.

Konur eru í fyrsta skipti í meirihluta meðal þeirra sem hljóta tilnefningu til íþróttamanns ársins.

Frumflutt

22. des. 2023

Aðgengilegt til

Rennur ekki út

• 00:01:36 Skýrt landris undir Svartsengi
• 00:03:18 Íbúðir fyrir Grindvíkinga
• 00:03:48 Rannsaka ástæður árásar í Prag
• 00:06:12 Fyrsti fundur SA og Samflots verklýðs
• 00:07:59 Verðbólga óvíða meiri en á Íslandi
• 00:08:31 Launadeila dómara
• 00:09:53 Óveður í Norður-Evrópu
• 00:10:26 Fjórir áhugasamir um að kaupa TM
• 00:11:01 Gaza - Tillaga í ÖRSÞ
• 00:12:47 Ríkið sýknað af kröfu forstjóra HSS
• 00:13:35 Skerðing raforku
• 00:15:23 Best að panta jólaklippinguna í ágúst
• 00:17:11 Volaða land nær Óskarnum
• 00:17:32 Opnað í Bláfjöllum í dag
• 00:18:02 Íþróttir
• 00:20:23 Veður
• 00:20:43 Seinni helst

Útvarpsfréttir.