Hádegisfréttir

Hádegisfréttir 02. nóvember 2023

Lögregla leitar byssumanns eftir skotárás í Úlfarsárdal í nótt. Skotið var á karlmann en hann er ekki í lífshættu. Talið er að árásin tengist útistöðum tveggja hópa. Lögregla hefur aukið viðbúnað um alla borg.

Lús í laxeldi Arctic Fish í Tálknafirði fjölgaði mikið í október. Sérgreinalæknir hjá MAST segir jafnmikla lús ekki hafa áður sést hér á landi.

Sameinuðu þjóðirnar telja að mögulega verði árás á flóttamannabúðir á Gaza á þriðjudag skilgreind sem stríðsglæpur. Yfirvöld á Gaza segja Ísraelsher hafa drepið yfir níu þúsund manns síðan 7. október.

Annar varaformaður utanríkismálefndar Alþingis gagnrýnir Bjarna Benediktsson utanríkisráðherra fyrir að réttlæta árásir Ísraelsmanna á flóttamannabúðir á Gaza.

Rúmlega fjögur hundruð skjálftar hafa mælst á Reykjanesskaga frá miðnætti. Virkni hefur haldist frekar stöðug undanfarinn sólarhring.

Reykjavíkurborg ætlar að semja við hin sveitarfélögin á höfuðborgarsvæðinu um þátttöku í þjónustu við heimilislaust fólk. Lengi hefur verið kallað eftir auknu samstarfi í málaflokknum.

Sala á bláa treflinum, árlegu söfnunarátaki til að vekja athygli á krabbameini í blöðruhálskirtli, hefst í dag. Á hverju ári deyja hér fimmtíu karlar vegna þess meins.

Frumflutt

2. nóv. 2023

Aðgengilegt til

Rennur ekki út

• 00:01:27 Skotárás í Úlfarsárdal
• 00:05:07 Lús og laxaförgun
• 00:06:38 Furðar sig á ummælum utanríkisráðherra
• 00:08:24 Þriðja árásin á Jabalia
• 00:10:19 Skjálftahrina á Reykjanesskaga
• 00:11:38 SSH komi að þjónustu við heimilislaus
• 00:13:22 Rektor um skrásetningargjöld
• 00:15:04 Líkur á skerðingu í vetur
• 00:16:59 Sala á bláa treflinum hefst í dag
• 00:18:39 Íþróttir
• 00:20:40 Veður
• 00:21:00 Seinni helst

Útvarpsfréttir.