Hádegisfréttir

Hádegisfréttir 12. október 2023

Íbúar Gaza fá ekkert vatn, rafmagn eða eldsneyti fyrr en Hamas-liðar sleppa yfir hundrað gíslum, segja ísraelskir ráðamenn. Meira en þrettán hundruð hafa látið lífið í loftárásum og yfir sex þúsund særst.

Forystumenn ríkisstjórnarflokkanna stefna á að kynna breytingar á ríkisstjórn á laugardaginn. Þeir funduðu í morgun en formaður Sjálfstæðisflokksins segir ráðherraskipan enn ekki liggja fyrir. Hart var deilt á veru fjármálaráðherra á Alþingi í morgun en engum fyrirspurnum var beint til hans.

Á sjötta tug björgunarsveitarmanna voru kallaðir út í morgun vegna bíla sem sátu fastir á Hellisheiði í aftakaveðri. Vetrarfærð er á landinu.

Norska lögreglan bar í gær út umhverfismótmælendur sem höfðu komið sér fyrir í stórþinginu og neitað að yfirgefa salinn. Mótmælendur fluttu sig í morgun í orkufyrirtæki og lokuðu fyrir inngang þess með Gretu Thunberg í broddi fylkingar.

Ofbeldismenn á Íslandi tengjast langflestir þolendum sínum vináttu- eða fjölskylduböndum. Fáir þeirra eru kærðir fyrir ofbeldið og enn færri fá dóm.

Maður sem grunaður er um að reyna að drekkja fyrrverandi kærustu sinni í læk í skóglendi nálægt höfuðborgarsvæðinu í ágúst hefur verið úrskurðaður í gæsluvarðhald fram til loka þessa mánaðar.

Dæmi erum um að börn foreldra sem sótt hafa um alþjóðlega vernd hér á landi hafi beðið eftir skólavist svo mánuðum skiptir.

Hundrað börn í þeirri stöðu hefja nám í nýrri skóladeild á Ásbrú í Reykjanesbæ eftir helgi.

Frumflutt

12. okt. 2023

Aðgengilegt til

Rennur ekki út

• 00:01:32 Mannúðarkrísa á Gaza
• 00:03:58 Formenn funduðu í morgun
• 00:04:55 Óundirbúnar fyrirspurnir á Alþingi
• 00:08:08 Ofsafengin manndrápstilraun
• 00:09:26 Björgunaraðgerðir á Hellisheiðinni
• 00:11:50 Ráðstefna um ofbeldi
• 00:13:12 Mótmælendur bornir út af norska þinginu
• 00:15:07 SÞ rannsaka mannréttindabrot í Súdan
• 00:16:22 Flóttabörn
• 00:18:30 Íþróttir
• 00:20:19 Veður
• 00:20:50 Seinni helst

Útvarpsfréttir.