Veðurstofan varar við því að hlaup kunni að vera að hefjast við Mýrdalsjökul. Aukin rafleiðni hefur mælst í ám umhverfis jökulinn. Fólk er varað við að vera á ferli nærri upptökum Múlakvíslar og við Kötlujökul.
Að minnsta kosti 30 manns voru drepnir og yfir 100 særðust í loftárás Ísraelsmanna á skóla í Deir-al Balah á Gaza í morgun.
Unnið er að því að leysa vanda fósturforeldra, sem fá ekki aðgang að rafrænum upplýsingum um börnin sín. Teymisstjóri hjá Barna- og fjölskyldustofu vísar ábyrgðinni til ráðuneyta.
Landspítali segir að álag sé gríðarlegt á spítalanun og sérstaklega á bráðamóttöku í Fossvogi. Ef fólk þarf á læknisaðstoð að halda og veit ekki hvert það á að leita er það hvatt til að hringja í síma 1700.
Bílaumboðið Brimborg segir að misskilningur hafi valdið því að mynd af Höllu Tómasdóttur verðandi forseta hafi ratað á Facebooksíðu fyrirtækisins. Myndin hefur verið fjarlægð að beiðni Höllu
Druslugangan verður gengin frá Hallgrímskirkju niður á Austurvöll klukkan tvö í dag.
Sundmaðurinn Anton Sveinn McKee reið á vaðið fyrstur Íslendinga á Ólympíuleikunum í París í morgun. Hann komst ekki í undanúrslit í hundrað metra bringusundi.
