Hádegisfréttir

Hádegisfréttir 13. apríl 2024

Sjálfstæðisflokkurinn ætlar að leggja höfuðáherslu á útlendingamál, aukna orkuöflun og baráttuna við verðbólguna í ríkisstjórn Bjarna Benediktssonar. Þetta kom fram í máli ráðherra flokksins á opnum fundi í morgun.

Virði Landsbankans og eign almennings mun rýrna verði Landsbankanum gert að selja TM aftur sem keypt var á háu verði, segir þingflokksformaður Viðreisnar. Einhver mun þá eignast tryggingafélag á gjafvirði.

Sjö létust eftir að maður vopnaður hnífi gekk berserksgang í verslunarmiðstöð í Sydney í Ástralíu.

Jarðskjálfti varð tæpa fimm kílómetra norðaustan við Krýsuvík rétt eftir klukkan tíu. Hann var 3,3 að stærð. Náttúruvársérfræðingur á Veðurstofu Íslands segir að engin merki séu um að hann tengist eldgosinu við Sundhnúksgíga.

Staða Úkraínuhers á vígvellinum fer versnandi og óttast fyrrum yfirmaður í breska hernum að stríðið gæti tapast í ár ef frekari stuðningur berst ekki frá vesturlöndum.

Ágangur ferðamanna á Kanaríeyjum er orðinn slíkur að innfæddir þurfa að hafast við í yfirgefnum byggingum, tjöldum eða á götunni.

Frískápur Amtbókasafnsins á Akureyri hefur verið tilnefndur til alþjóðlegra verðlauna.

Bandaríkjamennirnir Max Homa og Scottie Scheffler eru efstir á Masters mótinu í golfi þegar búið er að spila tvo hringi af fjórum.

Frumflutt

13. apríl 2024

Aðgengilegt til

Rennur ekki út

• 00:00:00 Helst
• 00:01:23 Bjarni fundar með Sjálfstæðismönnum
• 00:05:38 Virði Landsbankans í húfi
• 00:07:34 Hnífaárás í verslunarmiðstöð í Ástraliu
• 00:08:49 Jarðskjálfti á Reykjanesskaga
• 00:09:53 Tapa Úkraínumenn stríðinu í ár?
• 00:12:17 Hækkandi húsnæðisverð á Kanaríeyjum
• 00:14:10 Amtsbókasafnið tilnefnt á lista Green library awar
• 00:15:54 Íþróttir

Útvarpsfréttir.