Hádegisfréttir

Hádegisfréttir 2. mars 2024

Formaður Vinstri grænna segir það ábyrgðarleysi að íhuga ekki sína stöðu í ljósi slæmrar útkomu í skoðanakönnun Gallups. Það eigi við um formanninn og annað forystufólk í hreyfingunni.

Verkfallsaðgerðir á Keflavíkurflugvelli, sem VR hefur til skoðunar, hefðu neikvæð áhrif á markmið verkalýðshreyfingarinnar. Þetta segir framkvæmdastjóri Samtaka ferðaþjónustunnar. Samninganefndir stóru verkalýðsfélaganna innan ASÍ og SA settust aftur að samningaborðinu í morgun.

Tæpar tíu milljónir rúmmetra af kviku hafa safnast í kvikuhólf undir Svartsengi. Starfsemi í orkuverinu þar hefur verið órofin frá því að eldsumbrot hófust.

Afríkusambandið krefst alþjóðlegrar rannsóknar á árás á Gaza á fimmtudag þegar skotið var á fólk við bílalest með neyðargögnum. Sameinuðu þjóðirnar segja skotsár á mörgum þeirra sem leitað hafa læknisaðstoðar eftir árásina.

Stjórnvöld í Danmörku eru gagnrýnd fyrir að reyna að fá indverska hjúkrunarfræðinga til starfa. Varaformaður Félags hjúkrunarfræðinga í Danmörku segir nær að bæta starfsumhverfið og fá til baka alla þá sem hafi menntað sig í faginu en farið til annarra starfa.

Hestar og heimasmíðaðir sleðar þeysast um á ísilögðu Mývatni í dag. Vetrarhátíð hefst í Mývatnssveit í dag og stendur í tíu daga.

Frumflutt

2. mars 2024

Aðgengilegt til

Rennur ekki út

• 00:00:00 Helst
• 00:01:38 Katrín á flokksráðsfundi
• 00:03:37 Órofin starfsemi í Svartsengi
• 00:04:50 Jóhannes Þór um verkföll á Keflavíkurflugvelli
• 00:06:13 Kjaraviðræður
• 00:07:02 Margir með byssukúlur í sér eftir árás
• 00:08:37 Biden boðar birgðir úr lofti
• 00:09:09 Rúmu ári skemur í skóla en Danir þrátt fyrir jafn
• 00:10:44 Gera við kaldavatnslögn í hlíðum eftir helgi
• 00:11:09 Indverskt heilbr.starfsfólk til Danmerkur
• 00:12:30 Múhameðsteikning seld
• 00:12:30 Þungunarrofslyf selt í stærstu apótekum í Bandarík
• 00:14:35 Tíu daga vetrarhátíð við Mývatn
• 00:16:23 Íþróttir

Útvarpsfréttir.