Hádegisfréttir

Hádegisfréttir 21. janúar 2024

Rafmagnsviðgerðir halda áfram í Grindavík í dag. Rafmagn fór af bænum í nótt, bærinn er keyrður á varaafli þangað til búið er að tengja háspennulínu sem verið er að koma upp.

Framkvæmdastjóri fiskvinnslufyrirtækis í Grindavík vill að heimamenn stjórni aðgerðum í bænum en ekki utanaðkomandi í aðgerðarherbergjum í Reykjanesbæ eða í Reykjavík.

Dómsmálaráðherra segir dapurlegt að sjá hóp mótmælenda leggja Austurvöll undir sig í lengri tíma, og tekur þannig undir gagnrýni utanríkisráðherra. Hún hefur birt drög að frumvarpi sem heimilar frelsissviptingu og vistun útlendinga í lokuðu búsetuúrræði.

Þrettán voru drepnir í árás Úkraínuhers á markað í austurhluta landsins, þar sem Rússar fara með stjórn. Þá varð sprenging í eldsneytisbirgðastöð í höfn í Pétursborg í morgun og er Úkraínumönnum kennt um.

Lögreglustöð hefur verið opnuð á Hvammstanga á ný. Sveitarstjórinn segir stöðina auka öryggi íbúa til muna.

Vonast er til að borhola fyrirtækisins Krafla Magna Testbed við eldstöðina Kröflu við Mývatn muni hjálpa vísindamönnum að skilja hegðun eldfjalla. Til stendur að byrja að bora 2026.

Frumflutt

21. jan. 2024

Aðgengilegt til

Rennur ekki út

• 00:00:00 Helst
• 00:01:27 Rafmagnsviðgerðir í Grindavík
• 00:03:47 Verðmæti undir skemmdum
• 00:05:54 Útlendingamálin og ríkisstjórnin
• 00:07:49 Alþingi kemur saman
• 00:08:21 Yfir 25 þúsund látnir á Gaza
• 00:09:08 Árás á Donetsk og eldur í Pétursborg
• 00:11:14 100 ár frá dauða Leníns
• 00:11:14 Ný lögreglustöð á Hvammstanga
• 00:13:42 Annar ráðherra sakaður um ritstuld
• 00:14:35 Borhola við Kröflu hjálpar vísindamönnum
• 00:16:07 Íþróttir

Útvarpsfréttir.