Hádegisfréttir

Hádegisfréttir 20. janúar 2024

Karlmaður á þrítugsaldri er í lífshættu eftir hnífsstunguárás í miðborg Reykjavíkur í nótt. Árásin var tilefnislaus.

Verktakar vinna að því að leggja nýjan rafmagnsstreng inn í Grindavík. Sá sem fyrir var skemmdist þegar hann fór undir hraun.

Erfitt er að segja til um hvenær verður öruggt að búa aftur í Grindavík segir náttúruvársérfræðingur. Hætta er á frekari eldgosum á meðan kvikusöfnun heldur áfram í Svartsengi.

Borgarstjóri segist hafa samúð með Palestínumönnum sem hafa reist tjaldbúðir á Austurvelli, en telur þörf á að endurskoða reglur um leyfisveitingar. Utanríkisráðherra segir búðirnar hörmung.

Stríð Ísraels og Hamas heldur áfram að kynda undir frekari átökum í Mið-Austurlöndum. Tveir háttsettir ráðgjafar íranska hersins voru drepnir auk tveggja annarra úr hernum, í árás Ísraela á sýrlensku höfuðborgina Damaskus í morgun.

Samtök ferðaþjónustunnar efast um að náist að móta reglur um aðgangsstýringu á vinsæla ferðamannastaði fyrir sumarið. Umhverfisstofnun segir nauðsynlegt að hafa álagsstýringu í Landmannalaugum í sumar.

Kjaraviðræður halda áfram í dag. Samninganefndir Samtaka atvinnulífsins og stéttarfélaga innan ASÍ funda hjá ríkissáttasemjara.

Íslenska karlalandsliðið í mætir Frakklandi á EM í handbolta í dag. Sigur yrði stórt skref í átt að sæti á Ólympíuleikunum.

Frumflutt

20. jan. 2024

Aðgengilegt til

Rennur ekki út

• 00:00:00 Helst
• 00:02:25 Reyna að koma á rafmagni í Grindavík
• 00:04:47 Grindavík í Vikulokunum
• 00:07:38 Kjaraviðræður
• 00:08:06 Ferðaþjónustan og aðgangsstýring
• 00:10:11 Borgarstjóri um tjaldbúðina
• 00:11:57 Þrettán börn létust í eldsvoða
• 00:12:44 Háttsettir Íranir drepnir í árás Ísraela
• 00:14:26 Hútar og Jemen - Heimskviðutís
• 00:15:47 Íþróttir

Útvarpsfréttir.