Hádegisfréttir

Hádegisfréttir 01. janúar 2024

Flóðbylgjuviðvörun er í gildi í Japan þar sem stór skjálfti reið yfir í dag. Hús hafa hrunið og tugþúsundir eru án rafmagns.

Nýársnótt gekk að mestu leyti vel fyrir sig. Mikið var um skemmtanahald en fáir gistu í fangaklefa . Sumarbústaður brann til kaldra kola í Grímsnesi í gærkvöld og fyrsti bruni árs­ins varð rétt eft­ir miðnætti í skúr við íbúðarhús í Hafnarfirði.

Talsverð mengun var á höfuðborgarsvæðinu þegar nýtt ár gekk í garð en þó ekki metmengun. Mengunina má rekja til veðurskilyrða, segir sérfræðingur hjá Umhverfisstofnun.

Manntjón varð í loftárásum á Úkraínu í nótt. Úkraínuforseti hét því í nýársávarpi að Rússar fengju að finna fyrir reiði Úkraínumanna á nýju ári.

Margrét Þórhildur Danadrottning hefur ákveðið að afsala sér dönsku krúnunni. Hún eftirlætur Friðriki syni sínum krúnuna fjórtánda janúar eftir 52 ár á valdastóli.

Ófriður í heiminum og minnkandi traust almennings til Þjóðkirkjunnar var meðal umtalsefna Biskups í hennar síðustu nýárspredikun.

Frumflutt

1. jan. 2024

Aðgengilegt til

Rennur ekki út

• 00:01:11 Fremur róleg gamlársnótt
• 00:03:10 Loftgæði um áramót
• 00:04:56 Flóðaviðvörun vegna skjálfta í Japan
• 00:06:58 Grindavík 2024
• 00:07:25 Áramótaávarp Katrínar
• 00:08:27 Guðni tilkynnir um framhaldið
• 00:08:49 Heitir því að Rússar finni fyrir reiði
• 00:10:23 Margrét Þórhildur afsalar sér krúnunni
• 00:11:32 Nýárspredikun Biskups
• 00:13:00 Áramótabrennur
• 00:13:48 Sjósund í Nauthólsvík
• 00:15:49 Veður
• 00:16:10 Seinni helst

Útvarpsfréttir.