Hádegisfréttir

Hádegisfréttir 10. desember 2023

Raforkufyrirtæki og samtök atvinnurekenda saka atvinnuveganefnd Alþingis um að kippa markaðslögmálum úr sambandi og taka upp miðstýringu á raforkumarkaði. Þetta kemur fram í umsögnum um frumvarp sem tryggja á forgang almennings að raforku.

Forstjóri Landsvirkjunar telur að raforka til almennings verði mun dýrari ef markaðslögmálin fái ein að ráða raforkuverði.

Enn er reynt að ná samkomulagi um vopnahlé á Gaza en framkvæmdastjóri Sameinuðu þjóðanna segir Öryggisráðið lamað í sínum viðbrögðum. Staða heilbrigðiskerfisins á Gaza er sögð hræðileg.

Lokaspretturinn á COP28 er hafinn og unnið er að því í kappi við tímann að ná samkomulagi um að draga úr notkun jarðefnaeldsneytis. Forseti ráðstefnunnar segir að viðræður hafi ekki borið nægilegan árangur.

Bæjarstjórinn í Vestmannaeyjum segir að margar ráðstafanir hafi verið gerðar til að tryggja vatnslögnina þangað. eftir að hún skemmdist þegar akkeri togara vinnslustöðvarinnar festist í henni um miðjan nóvember. Nokkrir hafa verið yfirheyrðir vegna rannsóknar á skemmdum á lögninni og beiðni um sjópróf verður þingfest fyrir héraðsdómi í vikunni.

Landeigendur við Stuðlagil eru ósammála um hvort byggja eigi göngubrú yfir ána. Slík brú myndi veita þeim sem koma norðan að gilinu aðgang að innsta hluta gilsins, þar sem það þykir einna fegurst.

Frumflutt

10. des. 2023

Aðgengilegt til

Rennur ekki út

• 00:00:00 Helst
• 00:01:25 Landsvirkjun Hörður Arnarson
• 00:02:45 Óánægja með raforkulagafrumvarp
• 00:04:29 Staðan á Gaza
• 00:06:11 Eldur við Skipasund
• 00:06:39 Lokaspretturinn hafinn á COP28
• 00:08:35 Trump með meira fylgi en Biden
• 00:09:50 Löggurnar og ferðin til Póllands
• 00:10:35 Staða mála í Vestmannaeyjum
• 00:12:27 Deilur um framtíð Stuðlagils
• 00:14:23 Úkraínsk jólahátíð í Kolaportinu
• 00:16:20 Íþróttir

Útvarpsfréttir.